Kalinkina: Spadziajusia, što dla hiebielsaŭskaj žurnalistyki ŭ krainie zastajucca apošnija časy
30 červienia ŭ Vyšejšym haspadarčym sudzie praciahnuŭsia razhlad kasacyjnaj skarhi redakcyi haziety «Narodnaja vola» na papiaredžańnie Ministerstva infarmacyi, vyniesienaje za publikacyju artykuła «Havoryć i pakazvajeHiebiels-TV ». Nahadajem, hety artykuł byŭ pryśviečany filmu «Płošča. Žalezam pa škle».
«Siońnia było davoli dziŭnaje sudovaje pasiadžeńnie, — raskazała BiełaPAN namieśnik redaktara haziety i aŭtar artykuła Śviatłana Kalinkina. — Tamu što pradstaŭniki Nacyjanalnaj teleradyjokampanii, ščyra kažučy, nie mahli adkazać ni na adno pytańnie. U mianie navat stvaryłasia ŭražańnie, što jany i nie ličyli nieabchodnym heta rabić. Napeŭna, jany ŭpeŭnienyja, što, pakolki jany pradstaŭlajuć dziaržaŭnuju strukturu, to sud zaŭsiody budzie na ichnym baku. Ale ja spadziajusia, što sud budzie
Na dumku Śviatłany, čym bolš času prachodzić, tym bolš ćviaroza hladziš na hety film i bolš razumieješ, što «takoj žurnalistyki ŭ cyvilizavanych krainach być nie pavinna — takoj tendencyjnaj, takoj adyjoznaj i takoj iłžyvaj».
Kiraŭnictvu teleradyjokampanii nie spadabałasia, što takija mietady pracy žurnalistyki aŭtar artykuła nazvała «hiebielsaŭskimi». «Ale mienavita Hiebiels, — nahadvaje Kalinkina, — stvaryŭ padmurak dla palityčnaj prapahandy, sfarmulavaŭ asnovy prapahandysckaj žurnalistyki. Jana asudžajecca va ŭsich cyvilizavanych krainach, akramia dyktatur. Spadziajusia, što dla takoj žurnalistyki ŭ krainie zastajucca apošnija časy, i biełaruskaja žurnalistyka budzie, jak va ŭsim śviecie, abjektyŭnaj i ŭsiebakovaj».
Na siońniašnim pasiadžeńni prahladaŭsia film «Płošča. Žalezam pa škle», byli zasłuchanyja abodva baki pa sutnaści spravy,
nijakaha rašeńnia sud nie pryniaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary