Lidary palityčnych partyj sustrelisia ź Sikorskim i Fiule.
«My siońnia havaryli pra toje, što ŭładam Biełarusi, Łukašenku jašče nie pozna pajści na dyjałoh ź Jeŭropaju, kab zastacca ŭ historyi Biełarusi nie dyktataram, a ŭsio ž taki choć by prystojnym čałaviekam», — zajaviŭ Uładzimir Niaklajeŭ padčaspres-kanfierencyi paśla sustrečy pradstaŭnikoŭ biełaruskaj apazicyi ź ministram zamiežnych spravaŭ Polščy Radosłavam Sikorskim i Štefanam Fiule, kamisaram JEZ u pytańniach pašyreńnia dobrasusiedstva.
U sustrečy ź biełaruskaha boku ŭdzielničali palityki Uładzimir Niaklajeŭ, Vital Rymašeŭski, Siarhiej Kalakin i Alaksandr Milinkievič. Učora najbujniejšyja apazicyjnyja partyi dy ruchi Biełarusi padpisali pahadnieńnie ab umovach praviadzieńnia svabodnych vybaraŭ. Apazicyjnyja lidary zajavili pra stvareńnie płatformy, na bazie jakoj majuć namier supolna dziejać.
Radosłaŭ Sikorski dy Štefan Fiule zajavili, što vitajuć sproby apazicyi kansalidavacca. «Jeŭropa hatovaja padtrymać Biełaruś, jakaja stanie na šlach demakratyzacyi. Ale pieršapačatkovaju ŭmovaju dyjałohu jość vyzvaleńnie i reabilitacyja palitviaźniaŭ, viaźniaŭ sumleńnia, a potym — razmovy pra poŭnuju demakratyzacyju Biełarusi, — padkreśliŭ ministr zamiežnych spravaŭ Polščy Radosłaŭ Sikorski. — Užo ciapier zadumajemsia, jak taja demakratyčnaja Biełaruś moža raspačać madernizacyjnyja reformy, kab budučaja demakratyčnaja Biełaruś mahła mieć najbolš ciesnyja dačynieńni ź Jeŭropaju».
Pavodle
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary