Viadomy muzyka Stynh admianiŭ kancert u Astanie paśla taho jak pravaabarončaja arhanizacyja Amnesty International nakiravała jamu dakład, dzie havorycca pra cisk na rabotnikaŭ naftahazavaj haliny Kazachstana.
Paviedamleńnie ab admienie kancerta, zapłanavanaha na 4 lipienia, apublikavana na aficyjnym sajcie muzyki.
«Haładoŭki, aryšty rabočych i pratesty dziesiatkaŭ tysiač čałaviek stvarajuć virtualny zasłon, jaki ja nie źbirajusia pierasiakać», — prakamientavaŭ Stynh, —
«Kazachskim rabotnikam naftahazavaj śfiery i ich siemjam patrebna naša padtrymka i aśviatleńnie ich prablem suśvietnymi ŚMI, što, spadziajusia, budzie spryjać stanoŭčym źmienam».
Pravaabarončaja arhanizacyja Amnesty International paviedamiła Stynhu ab situacyi ŭ Kazachstanie, źviazanaj z pryhniotam i siłavym uździejańniem na rabotnikaŭ naftahazavaj śfiery i členaŭ ich siemjaŭ, lidaraŭ ich prafsajuzaŭ, a taksama ich zakonnych pradstaŭnikoŭ. Rabočyja nacyjanalnaj naftavaj kampanii KazMunajHaz abviaścili strajk, zajaviŭšy, što ich zarpłaty byli napačatku skaročanyja, a advakat zatrymany pa iłžyvym abvinavačvańni. Kampanija nazvała strajk niezakonnym zajaviła, što kala 250 rabočych byli aštrafavanyja za parušeńnie ŭmoŭ kantrakta.
U suviazi ź situacyjaj Amnesty International ličyć, što prysutnaść Stynha ŭ Astanie budzie razhledžana jak adabreńnie dziejańniaŭ uładaŭ. Heta supiarečyć pohladam muzyki, jaki padtrymlivaje pravaabarončuju arhanizacyju na praciahu 40 hadoŭ. Stynh pryniaŭ rašeńnie admovicca ad udziełu ŭ feście, pryśviečanaha Dniu Astany.