Adzin čałaviek zahinuŭ, dvaich špitalizavali.
U noč na 6 lipienia ŭ Minsku kala stancyi mietro «Mahiloŭskaja» adbyłasia surjoznaja avaryja z udziełam čatyroch aŭtamabilaŭ i fury. Pa apošnich dadzienych, adzin čałaviek zahinuŭ, troje znachodziacca ŭ balnicy, siarod ich — dziaŭčyna, jakaja ŭ momant avaryi vychodziła ź mietro.
Pavodle infarmacyi MNS, na Partyzanskim praśpiekcie kala stancyi mietro «Mahiloŭskaja» adbyłosia sutyknieńnie hruzavoha aŭtamabila «MAZ-54329» i čatyroch lehkavych aŭtamabilaŭ: «Reno Łahuna», «Aŭdzi A4», «BMV-525», «Reno Łohan». Kiroŭca apošniaha aŭto zahinuŭ na miescy, kiroŭca «BMV-525» z papiarednich dyjahnazam «zakrytaja čerapna-mazhavaja traŭma i spałučanyja traŭmy» dastaŭleny ŭ balnicu, jašče dvoje nie paciarpieli.
Paśla sutyknieńnia ź lehkavymi aŭtamabilami fura vyjechała na prypynačny punkt «st.m.Mahiloŭskaja», źbiła mužčynu 1953 hoda naradžeńnia, što siadzieŭ na łaŭcy. Jaho z papiarednim dyjahnazam «zakrytaja čerapna-mazhavaja traŭma, pierałom rebraŭ, abiedźviuch noh», dastavili ŭ Balnicu chutkaj dapamohi. Zatym fura zajechała na zaprašalnuju placoŭku druhoha viestybiula stancyi mietro «Mahiloŭskaja», dzie najechała dziaŭčynu 1992 hoda naradžeńnia, studentku adnaho z VNU Minska, jakaja ŭ toj momant vychodziła ź mietro. Ratavalniki MNS z vykarystańniem hidraŭličnaha instrumienta dastali dziaŭčynu z-pad kołaŭ hruzavika. U dadzieny momant jana znachodzicca ŭ balnicy.
Videa Maksima Mukavozčyka:
Kamientary