ZŠA nie razhladajuć jaho bolš u jakaści lidera krainy.
Dziaržsakratarka ZŠA Chiłary Klintan zajaviła, što prezident Siryi Bašar Asad straciŭ svaju lehitymnaść, ZŠA nie razhladajuć jaho bolš u jakaści lidera krainy.
«Kali chtości, uklučajučy samoha prezidenta Asada, dumaje, što ŭ ZŠA ŭpotaj spadziajucca, što siryjskamu režymu ŭdasca vystajać, kab praciahnuć svaje represii ŭ budučyni, to jon hłyboka pamylajecca», -- skazała Klintan.
Jaje słovy pryvodzić ahienctva Reuters.
U paniadziełak pratestoŭcy ŭ Damasku ŭvarvalisia ŭ ambasadu ZŠA, raźbili šyby i razmalavali budynak antyamierykanskimi hrafici, dzie havorycca, što ambasadar ZŠA -- «sabaka».
Akramia taho, była ździejśnienaja sproba napadu na budynak pasolstva Francyi.
Na minułym tydni pasoł ZŠA Siryi pabyvaŭ u horadzie Chama. Siryjskija ŭłady abvinavacili jaho ŭ padbuchtorvańni pratestaŭ, adnak ułady ZŠA abvierhli hetyja zajavy. U paviedamleńni havaryłasia, što demanstranty sustreli ambasadara ZŠA pryjazna, kłali na jaho aŭtamabil kvietki i halinki alivy, ale dypłamat pakinuŭ horad da pačatku pratestaŭ.
Kamientary