Nacyjanalnaja katastrofa biełarusaŭ

Pry kancy SSSR plaška harełki kaštavała stolki ž, jak 4 kh dobraha miasa. Ciapier za 1 kh śvininy možna nabyć 2 butelki, i jašče zastaniecca na zakusku. Ad pačatku hoda ceny na bolšaść tavaraŭ i praduktaŭ — ad dyzpaliva da aleju — vyraśli prykładna ŭdvaja. Tolki na harełku ceny vyraśli na ścipłyja 25%. Nacyjanalnaja katastrofa: ad tannaj harełki biełarusy śpivajucca.

Ludziam, schilnym da spažyvańnia ałkaholu, u takich umovach psichałahična ciažka ŭtrymacca. Usio padaražeła, dyk choć vypju.

Śpivajucca budaŭniki, śpivajucca kałhaśniki. Heta stanovicca nacyjanalnaj trahiedyjaj, nacyjanalnaj biezvychodnaściu. Inšaziemcy žachajucca, kali traplajuć u biełaruskuju pravincyju.

Biełstat sabraŭ źviestki, jakija daktary nazyvajuć šakujučymi: za pieršyja 6 miesiacaŭ hetaha hoda harełki pradali na 10,5% bolš, čym za pieršaje paŭhodździe letaś.

I raście spažyvańnie nie tolki harełki.

Piva za paŭhodździe pradali na 22,8% bolš, čym u minułym hodzie.

Dola navat takoha tannaha ałkaholu ŭ roźničnym tavaraabarocie składaje bolš čym dziasiatuju častku — 10,4%.

Pry hetym vydatki na zdareńni i traŭmy, vyklikanyja ałkaholem, na dziaciej-sirotaŭ, na źnižeńnie jakaści rabot i pradukcyi, abciažarvajuć biudžety achovy zdaroŭja i biznesu. Prykładna kožnaje treciaje złačynstva ździajśniajecca asobami ŭ stanie ałkaholnaha apjanieńnia, i amal pałova paciarpiełych u hramadskich miescach taksama znachodziacca ŭ niećviarozym stanie.

Ałkahol u Biełarusi, asabliva mocny, u razy tańniejšy, čym u krainach Jeŭrasajuza,

Miarkujučy pa dynamicy rostu, za hety hod spažyvańnie ałkaholu ŭ krainie dasiahnie novaha histaryčnaha rekordu.

Pavodle acenki Suśvietnaj arhanizacyi achovy zdaroŭja, kožny biełarus u pieraliku na čysty śpirt ŭ 2010 hodzie spažyŭ 15,13 litra ałkaholu. Heta vyvodzić našu krainu ŭ dziasiatak najhoršych pa hetym pakazčyku ŭ śviecie. Pryčym u Biełarusi pieravažajuć kiepskija formy pjanstva, bo ludzi pjuć mocnyja napoi.

Za apošnija 20 hadoŭ spažyvańnie ałkaholu vyrasła bolš čym u 2 razy.

Zhodna ź miedykami, płanka, paśla jakoj pačynajecca aktyŭnaja dehradacyja čałaviečaha patencyjału supolnaści, — 8 ł na čałavieka ŭ hod.

«Pytańnie ab nasyčeńni rynka ŭžo nie staić. Takaja tendencyja pahražaje demahrafičnaj situacyi ŭ krainie», — pryznavaŭ jašče ŭ 2009 hodzie namieśnik ministra handlu M.Śviancicki.

Pry zachavańni ciapierašnich cenaŭ na ałkahol i tytuń, Biełaruś nie maje šancaŭ na raźvićcio.

• 0
• 0
• 0
• 0
• 0
• 0
• 0
• 0