rem'jer-ministr Rasii Uładzimir Pucin vykazvaje škadavańnie ŭ suviazi z napružanaściu, što ŭźnikła ŭ adnosinach pamiž Rasijaj i Biełaruśsiu. Pra heta jon zajaviŭ 19 lipienia ŭ Maskvie na sustrečy z pradstaŭnikami relihijnych i hramadskich arhanizacyj Rasii.
«Mnie tolki zastajecca škadavać ab hetym. My sa svajho boku robim i budziem rabić usio, kab hetaha nikoli nie było. Ale mianie sapraŭdy niepakoić heta. Ja baču, što ciapier, navat na bytavym uzroŭni, užo ŭźnikajuć prablemy. Heta vielmi drenna»,
— cytuje Pucina RIA Novosti.
Zajava Pucina prahučała ŭ adkaz na słovy staršyni Fiederalnaj nacyjanalna-kulturnaj aŭtanomii «Biełarusy Rasii» Valeryja Kazakova, jaki vykazaŭ zaniepakojenaść napružanaściu, što ŭźnikła ŭ apošni čas u rasijska-biełaruskich adnosinach. «Našy suajčyńniki vielmi zaniepakojeny tym, što ekanamičnyja i inšyja dziaržaŭnyja niesastykoŭki vychodziać u publičnuju płoskaść», — skazaŭ Kazakoŭ.
Biełaruska-rasijskija adnosiny ŭ čarhovy raz abvastrylisia ŭ siaredzinie červienia, kali kampanija «Inter RAO AES» zapatrabavała ad Biełarusi raspłacicca za atrymanuju elektraenierhiju. Doŭh Biełarusi ŭtvaryŭsia z-za prablem na valutnym rynku, u pryvatnaści ciažkaściaŭ z kanviersacyjaj valuty. Prablemu zapazyčanaści baki zmahli ŭrehulavać tolki ŭ kancy červienia: za hety čas Rasija dvojčy spyniała pastaŭki elektraenierhii ŭ Biełaruś. Jany adnavilisia 1 lipienia paśla taho, jak Minsk pahasiŭ zavinavačanaść.
23 červienia padčas pajezdki ŭ Bresckuju vobłaść Alaksandr Łukašenka paviedamiŭ žurnalistam, što Dźmitryj Miadźviedzieŭ nie adhuknuŭsia na jaho zaprašeńnie pryjechać u Brest z nahody 70-hodździa pačatku Vialikaj Ajčynnaj vajny. Łukašenka zajaviŭ, što nie viedaje, čamu jaho rasijski kaleha nie adhuknuŭsia na zaprašeńnie: «Čamu nie pryjechaŭ? Treba heta pytańnie adrasavać jamu. U mianie na heta pytańnie peŭnaha adkazu niama». Pavodle mierkavańnia Łukašenki, 70-hodździe pačatku Vialikaj Ajčynnaj vajny — heta nahoda dla taho, kab razam, «jak heta było tady», prademanstravać i rasijanam, i biełarusam, što «ŭ nas ahulnaja pamiać i my zaŭsiody budziem razam».
Varta taksama adznačyć, što Maskva adreahavała na apošnija hramadska-palityčnyja padziei ŭ Minsku. 7 lipienia aficyjny pradstaŭnik MZS RF Alaksandr Łukaševič zajaviŭ: u Rasii zakłapočany apošnimi dziejańniami pravaachoŭnych orhanaŭ Biełarusi pa zatrymańni demanstrantaŭ i žurnalistaŭ, u tym liku rasijskich. «Sam fakt prymianieńnia takich mier u dačynieńni da mirnych demanstrantaŭ vyklikaje zakłapočanaść. Raźličvajem, što biełaruskaje kiraŭnictva budzie ŭ poŭnaj miery vykonvać viadomyja mižnarodnyja normy ŭ halinie pravoŭ čałavieka i asnoŭnych svabod», — zajaviŭ Łukaševič. Razhon mirnych pratestaŭ u Biełarusi aktyŭna aśviatlali rasijskija ŚMI, u tym liku centralnyja telekanały.
BiełaPAN.
Kamientary