Były prezident Čyli Salvador Aljende skončyŭ žyćcio samahubstvam, a nie byŭ zabity. Da takoj vysnovy pryjšła hrupa śpiecyjalistaŭ, jakaja pravodziła ekśpiertyzu pareštkaŭ Aljende, ekshumavanych 23 maja 2011.
Vyniki ekśpiertyzy, metaj jakoj była pravierka aficyjnaj viersii pra samahubstva Aljende, byli pieradadzienyja čylijskim uładam 19 lipienia.
Pavodle aficyjnaj viersii, jakoj prytrymlivajecca i siamja byłoha prezidenta, Aljende zabiŭ siabie padčas vajennaha pieravarotu ŭ Čyli ŭ 1973 hodzie. Kali prychilniki hienierała Aŭhusta Pinačeta šturmavali prezidencki pałac, jon streliŭ sabie ŭ hałavu z aŭtamata Kałašnikava.
Adnak viersiju pra samahubstva Aljende stavili pad sumnieŭ. Prychilniki Pinačeta, jaki pryjšoŭ da ŭłady ŭ vyniku vajennaha pieravarotu, nie stali pravodzić sudmiedekśpiertyzu pareštkaŭ Aljende i nie davali siamji zahinułaha prezidenta ŭbačyć jaho cieła. Pry hetym paviedamlałasia, što na ciele Aljende byli vyjaŭlenyja šmatlikija kulavyja ranieńni. U pačatku 2011 hoda ŭłady Čyli ŭ miežach rasśledavańnia złačynstvaŭ, učynienych u hady kiravańnia Pinačeta, pryniali rašeńnie ab ekshumacyi pareštkaŭ Aljende.
Vyniki ekśpiertyzy, paviedamiŭ BBC News adzin z udzielnikaŭ daśledavańnia, nie pakidajuć sumnievaŭ u tym, što były prezident zabiŭ siabie. U čerapie Aljende vyjaŭlenaja adna adtulina, pakinutaja dźviuma kulami, raskazaŭ ekśpiert. Takija paškodžańni charakternyja dla aŭtamatyčnaj zbroi, da jakoj naležyć AK-47. Niama nijakich śviedčańniaŭ taho, što śmierć Aljende nie źjaŭlajecca samahubstvam, zajaviŭ jon.
Salvador Aljende ŭ 1970 hodzie staŭ pieršym pradstaŭnikom "levych", jaki zaniaŭ pasadu prezidenta Čyli. Znachodziačysia va ŭładzie, Aljende pravioŭ šerah ekanamičnych reformaŭ, uklučajučy nacyjanalizacyju hornazdabyŭnoj haliny, jakija vyklikali supiarečlivuju reakcyju jak unutry krainy, tak i za miažoj. U vieraśni 1973 hoda ŭ Čyli adbyŭsia vajenny pieravarot, u vyniku jakoha da ŭłady pryjšoŭ Pinačet, a Aljende zahinuŭ. Pinačet kiravaŭ u Čyli da 1990 hoda. Padčas dyktatury Pinačeta ŭ Čyli zahinuli abo prapali bieź viestak bolš za try tysiačy čałaviek.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary