Viktar Harbačoŭ prosić pradprymalnikaŭ padtrymać akcyi maŭčańnia.
Viktar Harbačoŭ prosić pradprymalnikaŭ padtrymać akcyi maŭčańnia.
Lidar kampanii «Za svabodnaje raźvićcio pradprymalnictva» Viktar Harbačoŭ źviarnuŭsia da pradprymalnikaŭ z zaklikam padtrymać akcyi maŭčańnia, jakija adbyvajucca pa sieradach. «Ciapier, kali ŭ krainie nastupiŭ ekanamičny kałaps, kali valutu prychodzicca kuplać z ryzykaj stracić svabodu, kali vaš biźnies pad pahrozaj zakryćcia ... patrabujecca vaša dapamoha», — piša Viktar Harbačoŭ u fejsbuku. Jon tłumačyć kaleham, što ad ich patrabujecca nie materyjalnaja dapamoha, nie aktyŭnyja dziejańni. Jon z razumieńniem stavicca da strachu pradprymalnikaŭ stracić svoj biźnies. Tamu prapanuje nie pracavać u sieradu, prydumaŭšy dla hetaha lubuju nahodu.
«Kožnuju sieradu vy prosta možacie nie vychodzić na rynki, handlovyja centry, ofisy. Chaj sierada stanie vašym dniom adpačynku, dniom salidarnaści. Sierada — dzień niepracujučaha pradprymalnika.(…) Pakažycie režymu, što vy salidarnyja z supracivam biaźmiežžu. Zrazumieła, što vypłačanyja padatki i arenda, zrazumieła, što vy ŭmiejecie ličyć prybytak i źmianšeńnie. Ale paviercie, što tyja straty, jakija buduć u vašym biźniesie pa sieradach, akupiacca ŭ budučyni, kali skončycca ŭvieś hety marazm.
Straciŭšy ŭ sieradu — ty nabudzieš svabodnuju krainu ŭ čaćvier. Straciŭšy ŭ sieradu — ty zrobiš svaju siamju macniejšaj.I nie varta ŭciakać z hetaj krainy, pieravodzić svoj biźnies u inšyja krainy — heta tolki na ruku bajaźlivaj uładzie. Heta naša kraina! My budziem u joj žyć i pracavać, hadavać svaich dziaciej i sačyć za mahiłami svaich prodkaŭ».
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary