Ludzi trymali ŭ rukach kvietki.
25 lipienia ŭviečary na vulicy narviežskaj stalicy vyjšli kala 150 tysiač čałaviek, mnohija ź ich pryjechali ź inšych haradoŭ krainy. Ludzi trymali ŭ rukach kvietki, pieravažna ružy.
22 lipienia ŭ Osła pobač z budynkam ŭradu prahrymieŭ mahutny vybuch, jaki zabraŭ žyćci 8 čałaviek. Paźniej na vostravie Utoja apranuty ŭ palicejskuju formu mužčyna zastreliŭ 76 čałaviek, bolšaść ź jakich byli padletki. Pa padazreńni ŭ abodvuch złačynstvach zatrymany 32-hadovy narviežac Anders Brejvik. U sudzie jon patłumačyŭ, što takim čynam chacieŭ źviarnuć uvahu na «musulmanskuju prablemu» Jeŭropy.
Jon taksama zajaŭlaŭ, što choča vyniščyć «marksistaŭ pa kultury». Idealnym palityčnym ładam jon nazyvaŭ «kiravanuju demakratyju» rasijskaha ŭzoru i zachaplaŭsia Pucinym jak kiraŭnikom.
Manifiestanty ŭ Osła mieli namier pryjści na šeście z pachodniami — heta skandyanaŭskaja tradycyja. Ale palicyja im adraiła, tamu jany ŭrešcie zaklikali prynosić z saboj kvietki. Pierad demanstrantami vystupili premjer-ministr Narviehii Jens Stołtenbierh i prync Chokan.
Videa drugoi.livejournal.com
Ciapier čytajuć
Što Babaryka i Kaleśnikava adkazali na pytańni pra vajnu79
Kamientary