Siońnia ŭ Minsku raźvitvajucca ź viadomym piedahoham pa vakale Irynaj Palanskaj.
Narodny artyst Biełarusi Alaksandr Cichanovič byŭ adnym z vučniaŭ Palanskaj. «Škada, što jaje nie stała. Čas niaŭmolna biažyć. I hałoŭnaje toje, što čałaviek pakinuŭ paśla siabie. Jana pakinuła šmat. Heta byŭ tvorčy i niesucišna enierhičny čałaviek. Usie pamiatajuć jaje ciepłyniu, čułaść».
Alaksandr Cichanovič upeŭnieny, što artystka mahła b skaryć uvieś Saviecki Sajuz, kab u toj čas była rekłama. Ad hetaha šmat u jakich kutkach krainy pra jaje nie viedali. Jana, praŭda, adsutnaści papularnaści nie adčuvała. I svaim dośviedam dzialiłasia z maładymi.
«U jaje bahaty piedahahičny vopyt.
Praź jaje ŭ 1990-ja hady prajšli ŭsie biełaruskija artysty. Jana da ŭsich była ŭvažlivaj. My stracili dzivosnaha čałavieka».
Adna ź pieršych biełaruskich estradnych śpiavačak, piedahoh pa vakale Iryna Palanskaja pamierła 26 lipienia na 94-m hodzie žyćcia.
