Z-za prachodžańnia navalničnaha frontu z paryvami vietru (da 21 m/s) 26 i 27 lipienia paciarpieli 16 nasielenych punktaŭ,paviedamili ŭ pres-słužbie MNS Biełarusi.
Paškodžany dachi pryvatnaha žyłoha doma i 26 sielskahaspadarčych budynkaŭ. Paciarpiełych niama. Avaryjnyja bryhady viaduć adnaŭlenčyja raboty.
U Viciebsku z 17.30 da 21.00 vypała 43,9 mm apadkaŭ pry siaredniamiesiačnaj normie 95 mm. U vyniku padtopleny padvały dvuch budynkaŭ, adzin učastak aŭtadarohi. Na 80 chvilin byŭ spynieny ruch pa dvuch tralejbusnych maršrutach.
U Mazyry (Homielskaja vobłaść) z 17.30 da 18.20 vypała 20 mm apadkaŭ pry siaredniamiesiačnaj normie 93 mm. Padtoplenymi akazalisia 37 pryvatnych padvorkaŭ i adzin učastak aŭtadarohi. Na čatyry hadziny spyniaŭsia ruch pa adnym z aŭtobusnych maršrutaŭ. Padraździaleńni MNS i rabotniki inšych arhanizacyj akazvali nasielnictvu dapamohu ŭ adpampoŭvańni vady.
U vyniku traplańnia małanki ŭ padstancyju "Paŭdniovaja" biez elektrazabieśpiačeńnia zastalisia 20 nasielenych punktaŭ u Mazyrskim rajonie. Elektrazabieśpiačeńnie było adnoŭlena prykładna praz hadzinu.
Kamientary