Ideja pabudavać tut draŭlany rycarski zamak i horad majstroŭ naradziłasia paśla sumiesnaj kalehii Ministerstva sportu i Ministerstva kultury.
Na starym haradziščy Łahojska, jaki raźmiaściŭsia ŭ malaŭničym parku Tyškievičaŭ, uźniknie rycarskaje pasielišča. Ideja pabudavać tut draŭlany rycarski zamak i horad majstroŭ naradziłasia paśla sumiesnaj kalehii Ministerstva sportu i Ministerstva kultury. Prajekt płanujuć realizoŭvać sumiesnymi namahańniami biznesu i miascovych uładaŭ.
Alaksandr Varykiš, dyrektar turfirmy "Kraina zamkaŭ», užo adnojčy źbiraŭsia pabudavać butaforski rycarski zamak pad Rakavam. Ale niahledziačy na padtrymku miascovych uładaŭ, prystupić da realizacyi prajektu nie ŭdałosia.
«Šmat srodkaŭ nam daviałosia ŭkłaści ŭ restaŭracyju chutara Radzievič pad Halšanami, - tłumačyć Alaksandr Varykiš, - tamu ideja budaŭnictva draŭlanaha zamka adyšła na druhi płan. Ale padčas vyjaznoj kalehii ministr sportu i turyzmu Aleh Kačan zahavaryŭ pra mahčymaść padobnaha budaŭnictva ŭ Łahojsku, i my znoŭ zacikavilisia. Heta idealnaje miesca - ź cikavaj historyjaj, niedaloka ad Minska i hornałyžnych centraŭ, kudy ŭzimku ściakajecca mnostva turystaŭ. Heta pašyryć siezon i dazvolić rycarskamu zamku funkcyjanavać ceły hod. Niemałavažna, što miascovyja ŭłady taksama adkrytyja dla dyjałohu, jany hatovyja dapamahčy ŭ budaŭnictvie, dać ludziej i techniku.
Ciapier idzie prajektavańnie i ŭzhadnieńnie.
U Ministerstvie kultury nas nakiravali ŭ Instytut historyi NAN Biełarusi i da archieołahaŭ. Spačatku na miescach mierkavanaha budaŭnictva buduć praviedzienyja raskopki. Kali nam udasca znajści reštki staroha padmurka, novyja budynki buduć uźviedzienyja ŭ adpaviednaści z raniejšymi miežami. Dumaju, dla realizacyi zadumanaha spatrebicca kala 1,5 hoda».
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim18
Kamientary