Zołatavalutnyja reziervy Biełarusi pa stanu na 1 žniŭnia ŭ mižnarodnym vyznačeńni skłali $4 młrd. 150 młn.Ab hetym paviedamiŭ siońnia na pasiadžeńni Saŭmina pieršy namieśnik staršyni praŭleńnia Nacbanka Biełarusi Juryj Ałymaŭ.
Zakrasavik-lipień hoda ZVR vyraśli na $388 młn.
Pry hetym Juryj Ałymaŭ adznačyŭ, što «raniej niekatoraje źmianšeńnie reziervaŭ na fonie atrymańnia $800 młn. z Antykryzisnaha fondu JeŭrAzES było źviazana z ažyćciaŭleńniem płaciažoŭ pa źniešniamu doŭhu ŭradam krainy, a taksama pahašeńniem abaviazacielstvaŭ Nacbanka».
Pieršy namieśnik staršyni praŭleńnia Nacbanka kanstatavaŭ, što ŭ pieršym paŭhodździ bankaŭski siektar krainy zachavaŭ stabilnaść i nie dapuściŭ rostu prablemnaj zapazyčanaści. Banki zadavolvali vysoki popyt pradpryjemstvaŭ i nasielnictva na pazykovyja resursy. Pracentnyja staŭki na kredytnym i depazitnym rynkach pastupova pavialičvalisia pad upłyvam pracentnaj palityki Nacbanka, nakiravanaj pierš za ŭsio na pavieličeńnie dachodnaści pa ŭkładach u biełaruskich rublach i abaronu źbieražeńniaŭ ad inflacyi. Płaciežnaja sistema zabiaśpiečyła svoječasovaje i biaśpiečnaje funkcyjanavańnie mižbankaŭskich raźlikaŭ.
Pryniaty miery dla zadavalnieńnia pieršačarhovaha popytu nasielnictva na zamiežnuju valutu dla sacyjalnych met. U krasaviku Nacbank dazvoliŭ Biełarusbanku nie ažyćciaŭlać svabodny prodaž valuty, nabytaj praz abmieńniki na pahranpierachodach. Hetyja srodki nakiroŭvalisia na zadavolvańnie patrebaŭ hramadzian, źviazanych z sacyjalna značnymi pytańniami — lačeńnie i navučańnie za miažoj. Za
Pradstaŭnik Nacbanka taksama adznačyŭ, što abjom narmatyŭnaha kapitału bankaŭ Biełarusi na 1 lipienia skłaŭ Br19,6 trłn., upavialičyŭšysia z pačatku hoda na 10,9 pracenta. Statutny fond na 1 lipienia sfarmiravany ŭ abjomie Br12,6 trłn., što na 4,6 pracenta bolš u paraŭnańni z pačatkam hoda
Kamientary