FK BATE padziakavaŭ svaim zaŭziataram za padtrymku na matčy 3-ha kvalifikacyjnaha raŭndu futbolnaj Lihi čempijonaŭ u matčy ź litoŭskim "Ekranasam"
Na hulniu pryjšli nie tolki barasyŭčanie, ale ŭ vakolicach stadyjona byli zaŭvažanyja aŭtamabili ź minskimi haradskimi, hrodzienskimi, bresckimi numarami.
U zvarocie FK BATE, u pryvatnaści, havorycca:
«Učora naša kamanda paśpiachova vyrašyła zadaču vychadu ŭ plej-of kvalifikacyi Lihi čempijonaŭ, adoleŭšy litoŭski "Ekranas" ź likam 3:1. Vielizarnaja dola zasłuhi ŭ hetym pośpiechu naležyć zaŭziataram "žoŭta-sinich", jakija stvaryli kranalnuju atmaśfieru na barysaŭskim haradskim stadyjonie.
Kiraŭnictva kłuba, trenierski štab i hulcy čarhovy raz ad usioj dušy dziakujuć svaim prychilnikam za vydatnuju padtrymku. Vašyja emocyi pieradavalisia na pole i nadali siłaŭ u ciažkija chviliny, kali kamanda zastałasia ŭ mienšaści. Vaša radaść udziesiacieryła našu radaść paśla finalnaha śvistka. Vaš entuzijazm dazvalaje nam z aptymizmam hladzieć u budučyniu i praciahvać stavić pierad saboj tolki samyja vysokija mety. Pakul my adzinyja - my niepieramožnyja!»
Losavańnie plej-of Lihi čempijonaŭ projdzie ŭ piatnicu (pačatak a 13:00).
Patencyjnyja supierniki vyznačacca siońnia. Siarod vierahodnych supiernikaŭ: krakaŭskaja "Visła", białhradski "Partyzan", kiprski "APOEŁ", češskaja "Viktoryja" dy inš. Hetyja matčy projduć siońnia.
