Pa vynikach tarhoŭ 4 žniŭnia indeks Dow Jones źniziŭsia na 4,31%, skłaŭšy 11383,68 punkta.
Heta samaje značnaje padzieńnie Dow, zafiksavanaje pry zakryćci tarhoŭ, z kastryčnika 2008 hoda, paviedamlaje Associated Press.
Indeks NASDAQ ŭpaŭ na 5,08%, dasiahnuŭšy 2556,39 punkta.
Asnoŭnyja amierykanskija telekanały — AVS, CBS i NBC — pierapynili praz heta svaje prahramy i vyjšli ŭ efir z ekstrannym vypuskam navin.
Źnižeńnie asnoŭnych indeksaŭ adbyłosia na fonie padpisańnia ŭ pačatku tydnia prezidentam Barakam Abamam zakona ab uźniaćci stoli dziarždoŭhu, što dapamahło paźbiehnuć defołtu, jaki amierykanski ŭrad moh abviaścić pa svaich daŭhavych abaviazańniach užo ŭ pačatku žniŭnia.
Piesimizm apanavaŭ rynki paśla taho jak Jeŭropa nie zdoleła zahasić finansavy pažar u Hrecyi, a ZŠA nie raspracavali realistyčnaha płana źnižeńnia dziaržaŭnaha doŭhu.
Kamientary