«Zachop ludziej na vulicach viartaje nas u ciomnaje kamunistyčnaje minułaje»
Staršynia Jeŭraparłamienta asudziŭ aryšt Alesia Bialackaha.
Prezident Jeŭrapiejskaha parłamienta Ježy Buziek asudziŭ aryšt Alesia Bialackaha.
U zajavie Ježy Buzieka havorycca: «Z hłybokaj zaniepakojenaściu ja daviedaŭsia, što biełaruskija ŭłady praciahvajuć pieraśled ludziej, jakija zmahajucca za svaje asnoŭnyja pravy. Zachop ludziej na vulicach viartaje nas u ciomnaje kamunistyčnaje minułaje, jakoje my nie chočam paŭtarać znoŭ. Heta niedapuščalna na našym kantyniencie ŭ
Ja zaklikaju biełaruskija ŭłady vyzvalić Alesia Bialackaha i inšyja niespraviadliva zatrymanych palityčnych viaźniaŭ. Takija represiŭnyja dziejańni buduć tolki zbližać ludziej, abjadnoŭvajučy ich dziela kančatkovaj mety — svabody.
Źmieny ŭ kančatkovym vyniku pryjduć u Biełaruś, jak jany pryjšli da bierahoŭ Paŭnočnaj Afryki.
Jeŭrapiejski parłamient zaŭsiody staić na baku biełaruskaha naroda».
4 žniŭnia supracoŭniki Departamienta finansavych rasśledavańniaŭ Kamiteta dziaržkantrolu zatrymali kiraŭnika pravaabarončaha centra «Viasna» Alesia Bialackaha. Na kvatery i leciščy pravaabaroncy, a taksama ŭ ofisie arhanizacyi prajšli pieratrusy. Bialackaha vinavaciać pavodle kryminalnaha artykuła «ŭtojvańni prybytkaŭ u asabliva bujnych pamierach». Pozna ŭviečary 4 žniŭnia stała viadoma, što Alesia Bialackaha zatrymali prynamsi na 3 sutak.
Kamientary