Ekspart biełaruskich tavaraŭ ŭtraja pieravyšaje impart indyjskich.
«Biełaruśkalij» znajšoŭ jašče adnaho patencyjnaha pakupnika. Pasoł Indyi ŭ Biełarusi Manodž Kumar Bcharata zajaviŭ, što jahonaja kraina zacikaŭlenaja ŭ kupli akcyj biełaruskaha pradpryjemstva. Pakul heta tolki dekłaracyja ab namierach — nie paviedamlajecca ni prapapanujemy košt, ni kolkaść akcyj, jakaja zacikaviła Indyju.
Intares azijataŭ da našaj krainy — nahoda ŭzhadać, jaki tavar kuplajuć i pradajuć indyjcy ŭ Biełarusi.
Na praciahu apošnich troch hadoŭ biełaruski ekspart u Indyju ahułam skłaŭ $1,13 miljarda. 87% ad usiaho abjomu ($0,99 miljarda) — kalijnyja ŭhnajeńni.Hetym i tłumačycca pavyšany intares azijataŭ da «Biełaruśkalija». Aproč jahonaj pradukcyi, Indyja cikaviłasia azotnymi ŭhnajeńniami (na $22 miljony) i kordnymi materyjałami dla šyn (na $20 miljonaŭ).
Handal ź Indyjaj całkam adpaviadaje ekspartaaryjentavanaj palitycy Biełarusi. Impart składaje ŭsiaho tracinu ad ekspartu — $385 miljonaŭ.
Bolš za ŭsio ŭ našu krainu pryvozicca indyjskich lekaŭ (na $143 miljony).Astatnija katehoryi tavaraŭ istotna adstajuć — tytuniovaja syravina (na $25 miljonaŭ), bavaŭnianaja pradziva (na $19 miljonaŭ), a taksama ekstrakty i kancentraty harbaty i kavy (na $10 miljonaŭ).
Kamientary