Rezkim padzieńniem cen na syruju naftu druhi dzień zapar zaviaršylisia siońnia tarhi na tavarnym rynku Łondana.Da zakančeńnia siesii na mižkantynientalnaj biržy fjučarsnych uhodaŭ košt kantraktaŭ na vieraśnioŭskija pastaŭki sumiesi «Brent», jakaja składajecca z nafty, što zdabyvajecca z roznych śvidravin na šelfie Paŭnočnaha mora, zvaliłasia na $2,54 da $110,69 za barel. Takim čynam, za 2 dni sumieś «Brent» straciła ŭ canie bolš za $5.
Krychu mienšy ŭzrovień padzieńnia cenaŭ na hałoŭny enierhanośbit zafiksavany na momant zaviaršeńnia tarhoŭ u Łondanie na
Takim čynam, dvuchdzionny abvał kanjunktury na suśvietnych tavarnych rynkach, pry jakim ceny na čornaje zołata ŭ Vialikabrytanii viarnulisia na adznaku ŭ $110, a ŭ ZŠA ŭpali nižej za $90, paprostu źvioŭ da nula ŭvieś rost cenaŭ na naftu za praminułuju častku hoda, jaki byŭ vyklikany deficytam na vuhlevadarodnuju syravinu i ŭtvaryŭsia ŭ suviazi z prypynieńniem enierhietyčnych pastavak ź Livii. Hety abvał vyklikany vielmi słabymi pakazčykami rostu ekanomik ZŠA i krain Zachodniaj Jeŭropy, paharšeńniem situacyi na amierykanskim rynku pracy, padzieńniem spažyvieckaj upeŭnienaści, pazykovym ciažaram krain jeŭrazony, siońniašnim abvałam fondavaha rynku ES i pasłableńniem pazicyj adzinaj jeŭrapiejskaj valuty.
Apošniaja akaličnaść pryviała da rostu dalara, u jakim i ažyćciaŭlajucca raźliki na suśvietnych tavarnych rynkach,u tym liku i padčas zaklučeńnia naftavych uhodaŭ, što aŭtamatyčna paniziła ceny na naftu.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary