Zajaviŭ pres-sakratar litoŭskaha zamiežnapalityčnaha viedamstva Mindaŭhas Łašas.
Ministerstva zamiežnych spraŭ Litvy nie brała ŭdziełu ŭ rassakrečvańni bankaŭskich rachunkaŭ kiraŭnika Pravaabarončaha centru «Viasna» Alesia Bialackaha– pra heta zajaviŭ pres-sakratar litoŭskaha MZS Mindaŭhas Łašas.
Pavodle kiraŭnika pres-słužby, prykładna praz hadzinu z nahody zatrymańnia Bialackaha źniešniepalityčnaje viedamstva Litvy vystupić z aficyjnym kamientarom.
Nahadajem, pra toje, što
Litva vydała rachunki «Viasny» Biełarusi zajaviŭ žurnalist Mikałaj Chalezin.
Kiraŭnik pravaabarončaha centra «Viasna» Aleś Bialacki byŭ zatrymany viečaram 4 žniŭnia.
Na jaho kvatery, leciščy i ofisie «Viasny» prajšli pieratrusy. Na častku majomaści, jakaja znachodziłasia ŭ ofisie, byŭ nakładzieny aryšt. Z kvatery Bialackaha, dzie pieratrus prajšoŭ raniej, zabrali kampjutar.
Paśla dopytu ŭ Departamiencie finansavych rasśledavańniaŭ Kamiteta dziaržkantrolu Bialacki byŭ ŭziaty pad vartu. Jak paviedamiła BiełaPAN pravaabaronca Taćciana Raviaka, jon zatrymany na troje sutak u jakaści padazravanaha pa kryminalnaj spravie, zaviedzienaj pa častcy 2 artykuła 243 Kryminalnaha kodeksa Biełarusi (uchileńnie ad vypłaty sum padatkaŭ, zboraŭ u asabliva bujnym pamiery). Maksimalnaje pakarańnie pa hetym artykule praduhledžvaje pazbaŭleńnie voli da siami hadoŭ z kanfiskacyjaj majomaści.
Bialacki budzie znachodzicca ŭ SIZA na vulicy Vaładarskaha.
«Ja dumaju, heta źviazana z tym, što my akazvali nie tolki pravavuju, ale i materyjalnuju padtrymku achviaram represij. Dumaju, źviazana mienavita z hetym», — zajaviła Taćciana Raviaka, kamientujučy zatrymańnie Bialackaha.
Aleś Bialacki — viadomy va ŭsim śviecie pravaabaronca — byŭ abrany
Kamientary