Supracoŭniki DAI zatrymali ŭ Lidskim rajonie niećviarozaha mužčynu na matacykle biez šlema.
Žychar Lidskaha rajona, laśnik, sam fakt znachodžańnia ŭ stanie ałkaholnaha apjanieńnia nie admaŭlaŭ, ale praktyčna «ź pienaj kala rota» dakazvaŭ, što išoŭ pieššu ŭ toj momant, kali jaho zatrymali supracoŭniki DAI.
Na samaj spravie sprava było tak. Na miažy Lidskaha i Voranaŭskaha rajona inśpiektara zaŭvažyli, jak uviečary pa centralnaj ažyŭlenaj darozie ŭ adnoj ź viosak Lidskaha rajona, dzie ŭ toj čas znachodziłasia šmat dziaciej, na matacykle «Minsk» biez šlema jechaŭ mužčyna. Pa maniery jazdy, charakternym prykmietach (pach ałkaholu z rota, nievyraznaja havorka) było vidać, što jon znachodziŭsia ŭ stanie ałkaholnaha apjanieńnia. Padčas dastaŭleńnia va ŭstanovu achovy zdaroŭja zatrymany pavodziŭ siabie bolš-mienš spakojna, svaju datyčnaść da kiravańnia nie admaŭlaŭ i prasiŭ nie praciahvać dalejšy praces. A voś što pačałosia ŭ lakarni pry praviadzieńni miedycynskaha ahladu ... mierkavać čytačam. Admova ad ahladu, kureńnie ŭ miedustanovie, pahrozy supracoŭnikam DAI raspravaj. Biez uvahi nie zastaŭsia i miedpiersanał.
Kamientary