Konkurs na zavočnuju formu navučańnia ŭ BDU skłaŭ 1,7 čałavieka na miesca

Dla paraŭnańnia: letaś jon składaŭ 1,8 čałavieka na miesca.

Jak paviedamiła pres-słužba BDU, usiaho za zavočnuju biudžetnuju formu navučańnia zaličana 422 abituryjenty, u tym liku 59 uładalnikaŭ miedaloŭ i dypłomaŭ z adznakaj kaledžaŭ. Dla paraŭnańnia: letaś — 386 abituryjentaŭ, u tym liku 34 uładalniki miedaloŭ i dypłomaŭ z adznakaj. Vysokija bały — 200 i bolš — nabrali 163 abituryjenty, što składaje 47,7% ad usich udzielnikaŭ ahulnaha konkursu pa troch siertyfikatach.

Samyja vysokija pakazčyki na bijałahičnym i ekanamičnym fakultetach, dzie konkurs skłaŭ adpaviedna 3 i 2 čałavieki na miesca. Konkurs 3,6 čałavieka na miesca skłaŭsia na jurydyčnym fakultecie na śpiecyjalnaść «pravaznaŭstva» (dla vypusknikoŭ jurydyčnaha kaledža BDU).

Na 7 z 28 śpiecyjalnaściaŭ i kirunkaŭ kankurencyja siarod abituryjentaŭ adsutničała i byli zaličany ŭsio, chto ŭdzielničaŭ u konkursie. U pryvatnaści, da takich śpiecyjalnaściaŭ adnosiacca «fiłasofija», «biełaruskaja fiłałohija», «ruskaja fiłałohija», «žurnalistyka (aŭdyjovizualnyja ŚMI)», «žurnalistyka (drukavanyja ŚMI)», «matematyka (navukova-piedahahičnaja dziejnaść)» i «matematyka (veb-prahramavańnie i Internet-technałohii)» dla vypusknikoŭ kaledžaŭ.

Samy vysoki prachadny bał dla zavočnikaŭ adznačany na histaryčnym fakultecie na śpiecyjalnaści «muziejnaja sprava i achova historyka-kulturnaj spadčyny» — 226.

Vysoki prachadny bał dla zavočnikaŭ adznačany taksama na šerahu śpiecyjalnaściaŭ bijałahičnaha fakulteta: «mikrabijałohija» — 211, «bijachimija» — 208 i «bijaekałohija» — 205 (haradski konkurs). Prachadny bał na śpiecyjalnaści «bijałohija (navukova-vytvorčaja dziejnaść)» skłaŭ 194 (tolki haradski konkurs), «bijałohija (navukova-piedahahičnaja dziejnaść)» — 189 (haradski konkurs) i 188 (sielski konkurs).

Na śpiecyjalnaści ekanamičnaha fakulteta «finansy i kredyt» i «mieniedžmient (mižnarodny mieniedžmient)» prachadnyja bały dla zavočnikaŭ skłali adpaviedna 197 i 189. Na śpiecyjalnaść jurydyčnaha fakulteta «pravaznaŭstva» (akramia vypusknikoŭ jurydyčnaha kaledža BDU) prachadny bał byŭ 197.

Samyja nizkija prachadnyja bały dla zavočnikaŭ, jakija ŭdzielničali ŭ konkursie, adznačany na śpiecyjalnaści hieahrafičnaha fakulteta «hieaekałohija» — 130 (dla viaskoŭcaŭ) i śpiecyjalnaści miechanika-matematyčnaha fakulteta «matematyka (veb-prahramavańnie i Internet-technałohii)» — 132 (haradski konkurs).

• 0
• 0
• 0
• 0
• 0
• 0
• 0
• 0