16-hadovy padletak vyratavaŭ treciakłaśnika i vyciahnuŭ z 5-mietrovaj hłybini mužčynu
Heta zdaryłasia na vadaschoviščy Rahaźnica Mastoŭskaha rajona.
Chłopiec uratavaŭ treciakłaśnika. Jon paśpieŭ taksama vyciahnuć z 5-mietrovaj hłybini mužčynu, ale ŭratavać taho ŭžo było niemahčyma.
Heta zdaryłasia na vadaschoviščy Rahaźnica Mastoŭskaha rajona, paviedamlaje «Hrodzienskaja praŭda». Dźmitryj Chałupa, navučeniec Słonimskaha sielskahaspadarčaha vytvorčaha kaledža, išoŭ razam ź siastroj da vadajoma, kab pakupacca. Da ich padbieh chłopčyk i paprasiŭ dapamahčy — u vadzie tanuŭ čałaviek.
Padbiehšy da bieraha, Dźmitryj ubačyŭ u vadzie mužčynu i maleńkaha chłopčyka, jaki amal schavaŭsia pad vadoj. Nie razdumvajučy kinusia ŭ vadu. Pieršym vyciahnuŭ na bierah chłopčyka, a potym kinuŭsia ratavać mužčynu. Jak adznačać potym u miascovym Tavarystvie ratavańnia na vadzie, 16-hadovy padletak zdoleŭ vyciahnuć stałaha mužčynu z 5-mietrovaj hłybini. Jon samastojna daciahnuŭ jaho da bieraha, spyniŭ mašynu i praz kiroŭcu vyklikaŭ «chutkuju». Da pryjezdu miedykaŭ pačaŭ rabić štučnaje dychańnie. Ale vyratavać 55-hadovaha mužčynu ŭžo było niemahčyma.
Za mužny ŭčynak abłasnaja struktura Tavarystva ratavańnia na vadzie budzie chadajničać ab uručeńni junaku dziaržaŭnaj uznaharody.
Kamientary