Intelektuały Litvy źviarnulisia z adkrytym listom da prezidenta Hrybaŭskajcie z nahody zatrymańnia Bialackaha
«Słužbovyja asoby Litvy aficyjna paćvierdzili, što jany dali dadzienyja biełaruskamu režymu ab bankaŭskich rachunkach hramadzianskich arhanizacyj Biełarusi i ich čalcoŭ u Litvie.Pavodle ich śćvierdžańnia, heta „zvyčajnaja pracedura“. Biełaruski režym, abapirajučysia na pradstaŭlenyja ŭładami Litvy dadzienyja, pačaŭ represii suprać svaich hramadzian», — havorycca ŭ liście intelektuałaŭ. — Viadoma, što i raniej Biełaruś zapytvała takuju infarmacyju. Ale słužbovyja asoby Litvy jaje nie padavali. Tamu my zaklikajem patłumačyć hramadzianam Litvy, čamu źmianiłasia pazicyja našaj ułady», paviedamlaje DELFI.
U dakumiencie, jaki padpisali Ludvikas Jakimavičus, Darus Kuolis, Vitaŭtas Łandśbierhis, Hintaŭtas Mažiejkis, Romas Paklnis, Vałdas Papievis, Karnelijus Płatelis, Romas Sakadolskis, Arunas Śvierdełas i Saŭlus Žukas, intelektuały patrabujuć asabistaj i palityčnaj adkaznaści ad słužbovych asobaŭ, adkaznych za pradstaŭleńnie infarmacyi pra Bialackaha.
«U dziaržavie, jakaja siabie pavažaje, słužbovyja asoby, što pryniali takoje sumnaje rašeńnie, pavinnyja być nazvanyja, a datyčnyja da hetaha palityki pavinnyja ŭziać na siabie palityčnuju adkaznaść. Spadarynia prezident, nam soramna za dziejańni ŭłady Litvy. A Vam?» — padvodziać vynik intelektuały.
-
«Siadžu ŭ trusach, zamiarzaju». U sacsietkach vyśmiejali čarhovuju strašyłku ANT pra «zamiarzajučuju Jeŭropu»
-
«Sumuju pa dumcy, što ja nie doma, i pa babulach. Ale nie pa krainie». Manałoh 17‑hadovaj dziaŭčyny
-
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary