Jančeŭski ‑ jak achviara hazavaj vajny

Adnym z samych intryhujučych nastupstvaŭ biełaruska‑rasiejskaj damovy pa hazie źjaŭlajecca los časopisu «Płanieta», jakim rulić viadomy Sieva Jančeŭski. Jaho pradukt, jaki darečy ličycca idejnym ruparam režymu, aficyjna zasnavała i vydaje adkrytaje akcyjaniernaja kampanija «Biełtranshaz».

U kantekście budučaj restruktualizacyi BTH (pierachod firmy ŭ farmat sumiesnaha rasiejska ‑ biełaruskaha SP), vydańnie niepaźbiežna čakajuć reformy.

Pryznačany Mileram u radu akcyjanieraŭ kampanii rasiejski popka‑čynoŭnik, prosta afihieje ad źmiestu i kancepcyi časopisu, jaki jamu zaprapanujuć finansavać.

Jak vam nastupnyja zahałoŭki z archivu «Płaniety»: «Ścienarij‑2008 Vozmožien li zachvat čiečienskimi tierroristami atomnoj stancii vblizi Moskvy?, «CHODorU skazali NIET! Chodorkovskij pokazał Kriemlu, kak nado objediniať oppoziciju ‑ ot «pravych» do «levych»», «Marš, marš, levoj!.. Pokolenije «piepsi» uchodit V Rośsii podnimajetsia novaja krasnaja vołna»…

Hetkaja čyrvona ‑ karyčnievaja muć razbaŭlena elehijami pra hienij Łukašenka i supier‑siensacyjami kštałtu: «ZOMBI TAJNY ŽIVYCH MIERTVIECOV Začiem śpiecsłužby ispolzujut čiernuju mahiju vudu», «VOZMOŽNO LI OTMIENIŤ STARIENIJE ČIEŁOVIEKA?». «Horod buduŝieho Vozmožno, v buduŝiem ludi pieriesielatsia v i... pod vodu»…

Uvohule ciažka ŭjavić jak łukšenkaŭskija lektary ‑ prapahandysty mohuć juzać «Płanietu» dla praviadzieńnia palitinfarmacyj. Ujaŭlajecie: «Siońnia, tavaryšy, my razhladzim dva pytańni – baraćba ź biurakratyjaj u kantekście dyrektyvy numar dva i zahadka zombi ‑ tajny žyvych mierćviakoŭ. Jašče bolš ciažka zrazumieć – jakoha miembiera Mileru – Hrefu bašlać Sievie za teksty pra zombi i ody antypucinskaj apazicyi.

Vidavočna, reformy na «Płaniecie» niepaźbiežnyja i orhan Biełtranshazu čakajuć viasiołyja mietamarfozy.

Prabiŭ čas iściny dla zasnavalnika BRSM! Kali Sieva vialiki patryjot, jon pavinny sam

zvalić z pasady redaktara Płaniety, kab nie vystavić šaściorkaj hazpromaŭskich nuvoryšaŭ.

Inakš Sieva ŭ vačach hramadstva stanie kałabracyjanistam, jaki pacichu łažycca pad Millera.

Što ž, taksama nia drenny džob.

U takim razie raju Sievie chutčej zacisnuć artykuł a ‑ la «Padčas raskopak Noŭharadu archieołahi znajšli idała słavianskaha boha z nadpisam Hazprom».

Šukać novaha vydaŭca? Naprykład, »fiłantropami» mohuć stać jašče nie akcyjanavanyja i nia pradadzienyja rasiejcam BiełAZ, Biełaruskalij abo MTZ?

Adnak, vychodziačy z aktualnaha trendu ‑ ŭvieć siektar pierśpiektyŭnaj haspadarki ( dziaržaŭnyja kampani, jakija patencyjna mohuć bašlać za druk «Płaniety») pozna ci rana pradaduć rasiejcam), raju Sievie nie ŭpadać ŭ isteryčny čiejnž sponsaraŭ.

Treba zacicharycca ‑ kančatkova syjści ŭ temy ab tym, što čałaviectvu pahražaje bunt mašynaŭ, razbaŭlajučy ich artykułami «Hrief –Miller – novyja «Kutuzaŭ‑Bahracijon», «Haz – novaja słavianskaja relihija», «Pad čas raskopkaŭ u Novharadzie znajšli idała archičnaha słavianskaha boha z nadpisam Hazprom»...

• 0
• 0
• 0
• 0
• 0
• 0
• 0
• 0