Prakuratura: hrodzienskija DAI pieravysili paŭnamoctvy, źbiŭšy vaŭkavyskaha doktara
Prakuratura pastaviła kropku ŭ kanflikcie — vinavataja milicyja.
Skandalnaja historyja sa źbićciom DAIšnikami doktara vaŭkavyskaj balnicy ablacieła bolšaść biełaruskich ŚMI. Hrodzienskaja milicyja admiatała lubyja pretenzii ŭ svoj bok, a Vaŭkavysk burliŭ — paciarpiełaha doktara ŭsie viedali jak sumlennaha pryncypovaha čałavieka.
Kropku ŭ sprečcy pastaviła abłasnaja prakuratura — vinavataja milicyja.Voś tolki adkaznaść dla parušalnikaŭ budzie vyniesienaja tolki dyscyplinarnaja.
«Prakuratura paličyła dziejańni supracoŭnikaŭ DAI niepravamiernymi, — zajaviŭ prakuror Hrodzienskaj vobłaści Viktar Marozaŭ. — Jak achoŭnik zakona, zajaŭlaju, što ŭ dadzienym vypadku prymianieńnie videazdymańnia nie było praduhledžana zakanadaŭstvam. Heta asabistaja inicyjatyva supracoŭnikaŭ DAI, jakija takim čynam vyrašyli padstrachavacca, kab pjany kiroŭca nie syšoŭ ad adkaznaści.
Što da prymianieńnia naručnikaŭ, to vidavočna, što pracaŭniki DAI pieravysili svaje paŭnamoctvy, pra što prainfarmavana kiraŭnictva UUS.Ciapier skančajecca pravierka, jakuju pravodzić słužba ŭłasnaj biaśpieki UUS,
supracoŭniki milicyi buduć dyscyplinarna pakarany.Na minułym tydni pracaŭniki DAI pryjazdžali ŭ lakarniu i prynieśli svaje prabačeńni doktaru. Jon pryniaŭ prabačeńni,
ciapier kanflikt całkam vyčarpany».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary