U Biełarusi rychtujecca zakonaprajekt, jaki praduhledžvaje šerah pracesualnych pravoŭ dla dziaciej na sudovych pasiedžańniach pa hramadzianskich spravach.
Pra heta karespandentu BiełTA paviedamiŭ čalec Pastajannaj kamisii pa zakanadaŭstvie i
U pryvatnaści, płanujecca ŭnieści adpaviednyja źmieny ŭ art. 59 «Hramadzianskaja pracesualnaja dziejazdolnaść» Hramadzianskaha pracesualnaha kodeksa (HPK). Prapanujecca, kab dzieci, małodšyja za 14 hadoŭ, mahli sami vystupać na pracesach.
Jak rastłumačyŭ deputat, heta robicca dla taho, kab pryvieści DPK u adpaviednaść z zakonam «Ab pravach dziciaci». Akramia taho, u Kanviencyi ab pravach dziciaci, pryniataj rezalucyjaj Hienasamblei AAN u 1989 hodzie, jość artykuł 12. Jana abviaščaje, što dzieciam dajecca mahčymaść być zasłuchanymi «padčas luboha sudovaha abo administracyjnaha razboru, jaki zakranaje dzicia».
Pakul što ŭ Biełarusi takoje prava dzieci mohuć realizavać padčas razhladu kryminalnych spravaŭ.Na hramadzianskich pracesach dzicia moža vystupać z 9 hadoŭ, kali heta źviazana z razvodam baćkoŭ. Sudździa pytajecca, z kim by dzicia chacieła zastacca: z maci ci baćkam. U astatnich vypadkach, zhodna z DPK, za dziaciej vystupajuć ich zakonnyja pradstaŭniki.
Kali hetaje prava niepaŭnaletnich pašyrycca, to jany zmohuć vystupać na pracesach, jakija, naprykład, źviazanyja z pravam na ŭhodu abo spadčynu, a taksama inšymi majomasnymi pytańniami. Adnak heta nie aznačaje, što ŭ zakonaprajekcie prapanujecca dać prava na vystupleńnie zusim jašče junym hramadzianam, jakija jašče nie ŭmiejuć havaryć. U zhadanaj kanviencyi skazana, što dzicia pavinnaje ŭmieć «sfarmulavać svaje ŭłasnyja mierkavańni».
Na praktycy heta budzie aznačać, što ŭzrostavy paroh dla kožnaha dziciaci budzie vyznačacca indyvidualna. «Viadoma, sudździa — nie ekśpiert. Ale jość piedahohi i psichołahi, jakija raźbirajucca ŭ hetym. Mienavita jany mohuć dać adpaviednaje zaklučeńnie pa intelektualnym raźvićci dziciaci. Ciapier hety miechanizm užyvajecca ŭ kryminalnym pravie», — rastłumačyŭ Mikałaj Andrajčuk.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary