Unačy z suboty na niadzielu ŭ Trypali pačalisia bai. Livija baicca kryvavaha finała šmatmiesiačnaha paŭstańnia.
Unačy z suboty na niadzielu ŭ stalicy Livii, Trypali, pačalisia bai.
Paŭstancy ŭ Bienhazi nazvali padziei pačatkam narodnaha paŭstańnia suprać Kadafi ŭ stalicy. Pradstaŭnik Kadafi, u svaju čarhu, zajaviŭ, što heta niekalki dziasiatkaŭ zdradnikaŭ radzimy pranikli ŭ stalicu, ale siłavyja struktury dajuć im adpor.
Sam Kadafi vystupiŭ z aŭdyjozvarotam da nacyi, u jakim pavinšavaŭ nacyju, z tym što «jana adbiła ataku pacukoŭ na Trypali».
«Ludzi całujuć maje partrety. Ja lidar nacyi, ja jaje baćka», — padkreśliŭ jon.
«Paśla zakančeńnia pramovy Kadafi, nahladčyki [prystaŭlenyja da zamiežnych žurnalistaŭ] pačali apładziravać, paśla čaho za aknom [hatela, u jakim žyvuć zamiežnyja žurnalisty], adnaviłasia pierastrełka», — pieradaje karespandent CNN.
Adzin ź internaŭtaŭ stvaryŭ interaktyŭnuju mapu bajoŭ u Trypali. Zialonym paznačanyja pazicyi prychilnikaŭ Kadafi. Čyrvonym — rajony, uziatyja pad kantrol paŭstancami.
Karystalniki Tvitara z Trypali paviedamlajuć, što situacyja ŭ horadzie zastajecca niapeŭnaj. Jany narakajuć, što ŭ paŭstancaŭ nie vytrymali niervy. Paŭstańnie raspačałosia, kali asnoŭnyja siły paŭstancaŭ zastajucca za niekalki dziasiatkaŭ kiłamietraŭ ad horada.
Na minułym tydni paŭstancy ŭziali Trypali ŭ kołca.Jany ŭvajšli ŭ harady, što stajać na troch vialikich darohach, jakija viaduć u stalicu z zachadu, poŭdnia i ŭschodu krainy — Zaŭja, Haryjan, Źlitan. Usiudy jany abapiralisia na miascovych žycharoŭ, nastrojenych suprać Kadafi.
U apošnija dni na bok paŭstancaŭ abo za miažu ŭciakli dva ministry ŭrada Kadafi i były prem'U Trypali Kadafi karystajecca adnosna vialikaj padtrymkaj. U toj ža čas ciažka acanić padtrymku paŭstancaŭ tam: za časjer-ministr krainy.
U stratehičnym sensie paśla taho, jak paŭstancy ŭziali stalicu ŭ koła, vajnu dla Kadafi možna ličyć prajhranaj. Adnak kiraŭniki časovaha ŭrada, utvoranaha paŭstancami, bajacca, što Kadafi moža pieratvaryć svaje apošnija dni ŭ kryvavuju łaźniu i padarvać asnoŭnyja abjekty infrastruktury stalicy. Akramia taho,
niestabilnaść u Livii moža zachavacca na doŭhija hady, kali Kadafi piarojdzie da partyzanskich mietadaŭ vajny,abapirajučysia na viernyja sabie plamiony. U toj ža čas prymireńnie bakoŭ, pierachod da demakratyčnych mietadaŭ kankurencyi ciažka sabie ŭjavić u krainie, jakaja raniej isnavała faktyčna ŭ formie sučasnaha sułtanata.
Siłavyja struktury Livii ŭznačalvajuć syny i inšyja svajaki pałkoŭnika Kadafi.Pierastrełki i vybuchi ŭ Trypali hučali cełuju noč i nie ścichli ŭranku. Jany byli čuvać u niekalkich rajonach horada, dzie apazicyjnyja nastroi najmacniejšyja.
Livija — kraina płoščaj 1,8 młn kv. kiłamietraŭ (9 razoŭ bolšaja za Biełaruś), ale małanasielenaja (6,4 młn žycharoŭ, u 1,5 razu mienš, čym u Biełarusi). Bolšuju častku krainy zajmaje pustynia, a ludzi žyvuć pieravažna na ŭźbiarežžy i ŭ harach na poŭnačy krainy.
Žyvy błoh pra padziei ŭ Trypali
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary