Viečaram 22 žniŭnia supracoŭniki Homielskaj abłasnoj inśpiekcyi achovy žyviolnaha i raślinnaha śvietu zatrymali brakańjera na race Sož u Homielskim rajonie. Infarmacyja ab niezakonnaj łoŭli ryby elektravudaj pastupiła načalniku abłasnoj pryrodaachoŭnaj inśpiekcyi Viačasłavu Rohalu.
Jak paviedamili BiełaPAN u abłasnoj inśpiekcyi, žychar vioski Ciarucha łaviŭ rybu z vykarystańniem zabaronienaj pryłady łoŭli — elektrałavilnaj ustanoŭki, pryncyp raboty jakoj zasnavany na vykarystańni elektramahnitnaha pola. U zatrymanaha kanfiskavany ŭsie składajučyja častki ŭstanoŭki. Pry ahladzie na baku łodki znojdzieny prymacavany elektraprovad, jaki vykonvaŭ rolu zaziamleńnia. U łodcy znojdziena i kanfiskavana ryba ahulnaj vahoj 7,6 kh. Dziejańniami hramadzianina pryčynieny ŭron navakolnamu asiarodździu ŭ pamiery 5,6 młn. rubloŭ. Vyrašajecca pytańnie ab raspačynańni spravy pa artykule 281 KK (niezakonnaja zdabyča ryby).
Dla paraŭnańnia: kali b hramadzianin vyrašyŭ zakonna pałasavacca rybaj, to za 5,6 młn. rubloŭ jon zmoh by kupić 61 kh asiatra, košt jakoha ŭ homielskich mahazinach roŭny 91 tys. rubloŭ za kh.
Kamientary