Akcyja suprać rasijskich šyldaŭ u biełaruskim Paazierji

U sacyjalnych sietkach praciahvajecca kampanija ŭ abaronu biełaruskaj movy. U bližejšy čaćvier, 25 žniŭnia, adbudziecca fłeš-mob.

Padstavaj stała metanakiravanaja zamiena biełaruskamoŭnych šyldaŭ z nazvami nasielenych punktaŭ na rasijskamoŭnyja ŭ Hłybockim, častkova Šarkoŭščynskim i Ušackim rajonach Viciebščyny. Raniej na zvarot TBM Hłybocki rajvykankam daŭ farmalnuju adpisku.

Pakolki pryvatnyja zvaroty i zvarot hramadskaj arhanizacyi ŭ miascovyja orhany nie paŭpłyvali na situacyju, to ŭ čaćvier adbudziecca masavaja ataka listami adpaviednych struktur.

Arhanizatary fłeš-mobu zaklikajuć ludziej madyfikavać teksty zvarotu i stavić pytańni takim čynam, kab ułady musili davać indyvidualnyja adkazy, a nie ahulnuju adpisku, naprykład, kankretnyja parahrafy ŭ zakanadaŭstvie, płany pa zamienie šyldaŭ na biełaruskamoŭnyja, adkaznyja arhanizacyi, pryčyny zamieny šyldaŭ, košty, źviazanyja z zamienaj i h.d.

U sietcy raźmieščany i adrasy ŭstanoŭ:

Staršyni rajonnaha Vykanaŭčaha kamiteta Morchatu A. V.
211070, Viciebskaja vobł.,
h. Hłybokaje, vuł. Lenina, 42

Staršyni abłasnoha Vykanaŭčaha kamiteta Kasincu A. N.
210010, h. Viciebsk, vuł. Hohala, 6

Hienieralnamu dyrektaru RUP «Vitiebskavtodor»
Kanopliču A.A.
210026, h. Viciebsk, vuł. Suvorava, 16

Namieśniku ministra transpartu i kamunikacyj
dyrektaru Departamienta «Biełavtodor»
Łycinu A. M.
220073, h. Minsk, vuł. Kalvaryjskaja, 37

Arhanizatary fłeš-mobu nadrukavali i ŭzorny tekst:

“Źviartajusia z patrabavańniem patłumačyć pryčyny masavaha i paśladoŭnaha pieravodu šyldaŭ z nazvami nasielenych punktaŭ u Hłybockim rajonie ź biełaruskaj movy na rasijskuju. Miž inšym, majucca na ŭvazie nazvy viosak Rošča, Čaški, Asinaŭka, Ziabki, Halinava, Rabčonki, Udzieła, Panfiłaŭščyna, Łuck-Masarski. Adnačasova źviartaju ŭvahu na toje, što hetaja zamiena supiarečyć zakonu ab hieahrafičnych nazvach, źjaŭlajecca niepryjemnym vyniatkam u maštabie vobłaści i krainy, a taksama piarečyć šmathadovaj tradycyi Respubliki Biełaruś. Bolš za toje, metazhodnaść takoj zamieny supiarečyć vynikam aficyjnaha pierapisu nasielnictva 2009 hoda, pavodle jakich u Hłybockim rajonie kolkaść biełaruskamoŭnaha nasielnictva ŭ vioskach pieravyšaje 90%, a ŭ horadzie 50-60%. U suviazi z hetym prašu spynić precedent, a ŭžo zamienienyja šyldy zamianić biełaruskamoŭnymi”.

• 0
• 0
• 0
• 0
• 0
• 0
• 0
• 0