«Synula moj luby, nie atrymlivaju ad ciabie nivodnaha lista»
Maci Alaksandra Kłaskoŭskaha-małodšaha nie atrymlivaje listoŭ ad syna
Ludmiła Kłaskoŭskaja, maci Alaksandra Kłaskoŭskaha, asudžanaha za ŭdzieł u akcyi pratestu 19 śniežnia na 5 hadoŭ turmy, kaža, što nie atrymlivaje ad svajho syna listoŭ.
Z hetaj nahody jana adpraviła ŭ škłoŭskuju turmu admysłovuju telehramu jašče tydzień tamu. Adnak adkazu pakul nie atrymała.
«Ja napisała jamu:
synula moj luby, nie atrymlivaju ad ciabie nivodnaha lista. Čamu tak? Napišy mnie, moj dobry, bo ja vielmi chvalujusia — što z taboj?Na vialiki žal, da siońniašniaha dnia ja nie atrymała navat paštovaha paviedamleńnia, što telehrama dastaŭlenaja. Siońnia ja patelefanavała na poštu, i mnie skazali, što buduć zajmacca hetym pytańniem. Pavodle słoŭ žonki, jon piša joj listy i ŭ ich paviedamlaje, što pracuje na lesapavale. Što prasiŭ pieradać jakujuści pieradaču. A voś naŭprostavaha kantaktu sa mnoj, z maci, niama.
A ja tym časam padychodžu da svajho jubileju — mnie chutka 55 hadoŭ. Heta čas, kali padvodziacca vyniki žyćcia. I ja vielmi spadziajusia, što da hetaha času syn dašle mnie list. Vielmi sumuju pa synu — my ź im vieraśnioŭskija — u mianie 14-ha dzień naradžeńnia, a ŭ jaho — 26 vieraśnia. Čakaju ciabie vielmi, moj darahi synok».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary