U II paŭhodździ 2011 hoda Biełarusi spatrebicca 3—6 młrd. dalaraŭ na padtrymańnie ŭstojlivaści bankaŭskaj sistemy i vyrašeńnia inšych nadzionnych prablem.
Mižnarodnaje rejtynhavaje ahienctva Moody's nie vyklučaje dalejšaha źnižeńnia suvierennaha rejtynhu Biełarusi, defołtu i zamarožvańnia valutnych depazitaŭ.
Pavodle acenak ekśpiertaŭ mižnarodnaha rejtynhavaha ahienctva Moody's, u II paŭhodździ 2011 hoda Biełarusi spatrebicca 3–6 młrd. dołaraŭ ZŠA na padtrymańnie ŭstojlivaści bankaŭskaj sistemy i vyrašeńnia inšych nadzionnych prablem. Takaja ž suma spatrebicca krainie ŭ 2012 hodzie dla padtrymańnia ŭstojlivaści bankaŭskaj sistemy i pakryćcio deficytu płaciežnaha bałansu, havorycca ŭ kamientary ahienctva nakont pierśpiektyŭ ustojlivaści bankaŭskaj sistemy, što pastupiŭ u BiełaPAN.
Pa raźlikach Moody's, hetyja srodki Biełaruś moža atrymać
za košt źniešnich pazyčańniaŭ (kredyty Antykryzisnaha fondu JeŭrAzES i MVF), pryvatyzacyi i svabodnaha kursaŭtvareńnia.Pry takim raźvićci padziej rejtynhi biełaruskich bankaŭ zachavajucca na ŭzroŭni «V3», ich prablemnyja aktyvy vyrastuć da 15% da kanca 2012 hoda. Dastatkovaść ułasnaha kapitału bankaŭ źnizicca da 4%, u 2012 hodzie spatrebicca ich rekapitalizacyja z ulivańniami ŭ ekvivalencie 1 młrd. dołaraŭ, što, jak miarkujuć ekśpierty Moody's, budzie ažyćcioŭlena, chutčej za ŭsio, za košt srodkaŭ dziaržbiudžetu.
Na dumku ekśpiertaŭ, zachavańnie ciapierašniaj situacyi pryviadzie da niehatyŭnych nastupstvaŭ i panižeńnia krainavaha rejtynhu Biełarusi z «B3» da «Saa», pahrozy defołtu. Ciapierašniaja situacyja charaktaryzujecca administracyjnym strymlivańniem svabodnaha kursaŭtvareńnia, deficytam zamiežnaj valuty, niedastatkova ćviordaj manietarnaj palitykaj, adsutnaściu vyniku ad pryvatyzacyi i damoŭlenaściaŭ z MVF ab pryciahnieńni źniešnich pazyčańniaŭ. Najbolšuju zaniepakojenaść Moody's adnosna biełaruskich bankaŭ u apošni čas vyklikaje tendencyja adtoku depazitaŭ u zamiežnaj valucie.
Pry takim piesimistyčnym raźvićci padziej, jak miarkujuć ekśpierty Moody's, dola prablemnych aktyvaŭ u biełaruskich bankach vyraście da 20% u 2012 hodzie,
a ŭłady Biełarusi mohuć pajści na zamarožvańnie valutnych depazitaŭ abo ich prymusovuju kanviersiju ŭ biełaruskija rubli.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary