26 žniŭnia ŭ budynku, dzie mieścicca kłub, buduć «šukać niaspraŭnaść elektryčnaj sietki».
Administracyja budynka, u jakim mieścicca «Hrafici» paviedamiła kiraŭnictvu klubu ab tym, što 26 žniŭnia tam buduć prachodzić prafilaktyčnyja pracy pa pošuku niaspraŭnaści elektryčnaj sietki.
«Prablemy ŭźnikli jašče pad čas kancertu „Troicy“ 15 žniŭnia, tady praz prablemy z elektryčnaściu hurt pačaŭ hrać tolki a 22-j hadzinie», — kažuć u klubie. Pit Paŭłaŭ nazyvaje sytuacyju niezrazumiełaj i spadziajecca na pieranos kancertu.
Razam z tym u «Hrafici» nazyvajuć dziŭnym takoje supadzieńnie — ad avaryi ŭ elektryčnaj sietcy da pačatku ramontnych pracaŭ projdzie paŭtara tydni, dyj ramantavać vyrašyli mienavita ŭ dzień vystupu N.R.M. Adnak u administracyi ŭstanovy paviedamili, što biez elektryčnaści napraciahu cełaha dnia budzie ŭvieś budynak, a nia tolki pamiaškańnie klubu. Lider N.R.M. Pit Paŭłaŭ u takoje supadzieńnie nia vieryć: «Sytuacyja całkam niezrazumiełaja. Mnie ŭ takim stanie ciažka heta kamentavać, bo my rychtavalisia da kancertu. Spadziajusia, što my zdolejem damovicca z kiraŭnictvam “Hrafici” ab pieranosie našaha vystupu na inšy dzień».
Heta nia pieršy zryŭ kancertu muzykaŭ z «čornaha sṕjisu» ŭ «Hrafici». 21 žniŭnia tam nie adbyŭsia zaplanavany vystup Źmitra Vajciuškieviča. Tady admienu patłumačyli ramontnymi pracami.
U paniadziełak 29 žniŭnia ŭ tym ža «Hrafici» musić adbycca vystup jašče adnaho «čornaśpisačnaha» hurta — Neuro Dubel (niadaŭna byŭ admienieny ich kancert u minskim The Loft Cafe — nn.by). Kali j jon nie adbudziecca praź niejkija techničnyja pryčyny, to možna budzie kanstatavać, što ŭ Miensku źnikła apošniaje miesca, dzie zabaronienyja muzyki mahli prezentavać svaju tvorčaść.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary