Miniust — BSDP — 2:0

Ministerstva justycyi pryznała nielehitymnym XIII (paŭtorny) źjezd Biełaruskaj sacyjał-demakratyčnaj partyi (Hramada). Pra heta havorycca ŭ paviedamleńni, raźmieščanym na sajcie ministerstva.

Miniust adznačaje, što ŭ adpaviednaści sa statutam BSDP (Hramada) jaje čarhovy źjezd pavinien byŭ adbycca nie paźniej čym 3 žniŭnia 2010 hoda. Adnak źjezd byŭ praviedzieny tolki 10 kastryčnika taho ž hoda i pryznany Ministerstvam justycyi nielehitymnym z-za šerahu parušeńniaŭ patrabavańniaŭ statuta hetaj palityčnaj partyi, dapuščanych pry jaho padrychtoŭcy i praviadzieńni.

Pakolki na praciahu doŭhaha času BSDP (Hramada) nie ažyćciaŭlała praviadzieńnie svajho paŭtornaha XIII źjezda, Ministerstva justycyi vyniesła partyi piśmovaje papiaredžańnie.

Z-za nievykanańnia patrabavańniaŭ zahada ab papiaredžańni ŭ častcy padavańnia ŭ Miniust źviestak ab dacie paŭtornaha źjezda, ab miescy i časie jaho praviadzieńnia, normie pradstaŭnictva na im i ŭ vyniku dapuščeńnia inšych hrubych parušeńniaŭ Ministerstva justycyi vyniesła partyi jašče adno piśmovaje papiaredžańnie. Rehistrujučy orhan abaviazaŭ BSDP (Hramada) va ŭstanoŭleny im termin padrychtavać i pravieści paŭtorny lehitymny XIII źjezd, likvidavać pieraličanyja ŭ zahadzie parušeńni i pradstavić dokazy vykanańnia hetych patrabavańniaŭ.

U metach vykanańnia patrabavańniaŭ nazvanaha zahada ŭ Ministerstva justycyi pastupili 7 lutaha 2011 hoda pratakoły pasiadžeńniaŭ stvoranaha arhanizacyjnaha kamiteta pa padrychtoŭcy paŭtornaha XIII źjezda na čale z Anatolem Laŭkovičam, ź jakich vynikała, što pryniata rašeńnie ab praviadzieńni 23 krasavika 2011 hoda paŭtornaha XIII źjezda BSDP (Hramada). Adnak u hety dzień, a taksama pa stanie na siońnia paŭtorny źjezd hetym arhkamitetam nie praviedzieny.

Tym nie mienš, 4 lipienia ŭ Miniust pastupili dakumienty adnosna dziaržaŭnaj rehistracyi źmianieńniaŭ i dapaŭnieńniaŭ u statucie BSDP (Hramada). Ź ich vynikaje, što rašeńnie ab uniasieńni hetych źmianieńniaŭ i dapaŭnieńniaŭ pryniaŭ źjezd, praviedzieny alternatyŭnym arhkamitetam.

«Vyvučeńnie pradstaŭlenych dakumientaŭ pakazała, što alternatyŭny arhkamitet paśpiešna, biez naležnaj padrychtoŭki, z šeraham hrubych parušeńniaŭ patrabavańniaŭ statuta BSDP (Hramada) ažyćciaviŭ vybary delehataŭ i pravioŭ 5 červienia 2011 hoda paŭtorny XIII źjezd hetaj palityčnaj partyi. Hety źjezd pryznany Ministerstvam justycyi nielehitymnym, i 23 žniŭnia pryniata rašeńnie ab admovie ŭ dziaržaŭnaj rehistracyi ŭniesienych u statut BSDP (Hramada) źmianieńniaŭ i dapaŭnieńniaŭ», — havorycca ŭ paviedamleńni Miniusta.

• 0
• 0
• 0
• 0
• 0
• 0
• 0
• 0