U Minsku pavialičyłasia kolkaść zahinułych u DTZ, učynienych pjanymi kiroŭcami
paviedamiŭ namieśnik načalnika UDAI HUUS Minharvykankama Uładzimir Piulski 24 žniŭnia napres-kanfierencyi .
Pavodle jaho słoŭ, niahledziačy na źmianšeńnie kolkaści DTZ, učynienych kiroŭcami ŭ ałkaholnym apjanieńni,
kolkaść zahinułych u ich ludziej pavialičyłasia bolš jak na 100%i skłała siem čałaviek za siem miesiacaŭ 2011 hoda. U cełym u Biełarusi za pałovu 2011 hoda ŭ DTZ, učynienych pjanymi vadzicielami, zahinuli 73 čałavieki.
Piulski paviedamiŭ, što ŭ Minsku pavialičyłasia kolkaść zatrymańniaŭ niećviarozych vadzicielaŭ: za siem miesiacaŭ 2011 hoda — 3.785 čałaviek, što na 3% bolš, čym za anałahičny pieryjad minułaha hoda. Pavodle jaho słoŭ, kolkaść paŭtorna zatrymanych u stanie ałkaholnaha apjanieńnia za rulom pavialičyłasia na 8% i skłała 428 čałaviek.
Namieśnik načalnika UDAI HUUS Minharvykankama nahadaŭ, što 12 žniŭnia nabyła moc pastanova Savieta ministraŭ Biełarusi, zhodna ź jakim dapuščalny dla vadzicielaŭ uzrovień utrymańnia ałkaholu ŭ kryvi źnižajecca z 0,5 da 0,3 pramile.
Piulski adznačyŭ, što, «jak praviła, utrymańnie ałkaholu ŭ kryvi zatrymanych niećviarozych vadzicielaŭ značna vyšej za 0,3 i składaje 1–2 pramile».
Kamientary