U Biełarusi ŭpieršyniu płanujecca ekspartavać adnaŭlanyja enierharesursy,paviedamiŭ načalnik adździeła enierhietyki i paliva Minabłvykankama Siarhiej Siamaška 24 žniŭnia na pasiadžeńni kruhłaha stała.
Pavodle jaho słoŭ, pieramovy ab eksparcie pieletaŭ z sałomy viaducca z polskaj kampanijaj. Dasiahnuta papiaredniaja damoŭlenaść abjomach i canie partyi bijapaliva. Čakajecca, što pastaŭki ŭ Polšču pačnucca ŭžo sioleta. Probnaja partyja pieletaŭ z sałomy vypuščana.
Vytvorčaść hetaha vidu bijapaliva naładžana na bazie Kleckaha filijała pradpryjemstva «Minabłpaliva». Ustanoŭlenaje abstalavańnie dazvalaje vyrablać da 2 ton pieletaŭ z sałomy za hadzinu.
Pavodle słoŭ Siamaški, vyrašać pytańnie ab eksparcie bijapaliva Biełaruś budzie, pierš za ŭsio, z ulikam taho, kab syraviny chapiła dla vykarystańnia ŭ krainie.
Pakul niedachopu syraviny, nieabchodnaj dla vytvorčaści pieletaŭ i paliŭnych brykietaŭ z sałomy, nie ŭźnikaje.
Pradpryjemstvy sielskaj haspadarki poŭnaściu zabiaśpiečvajuć svaje patreby ŭ sałomie, i zastajucca liški. Tolki ŭ Minskaj vobłaści ŭ 2010 hodzie było vyrablena 1.867,4 tys. ton sałomy, ź jakich 784,1 tys. tony zaarana ŭ jakaści arhaničnych uhnajeńniaŭ. Pry hetym patreba ŭ sałomie dla vytvorčaści paliŭnych brykietaŭ i pieletaŭ składaje tolki 31,5 tys. ton, ci 1,7% ad vałavoha zboru.
Kali adnaŭlanyja enierharesursy dahetul u Biełarusi nie ekspartavalisia, to ekspart miascovych vidaŭ paliva kraina ažyćciaŭlaje ŭžo daŭno, zajaviŭ Siamaška.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary