Litoŭski ministr uznaharodziŭ pamiežnikaŭ, jakija nie puścili biełaruskuju čynoŭnicu
Ich adznačyli za toje, što «nie zhubili pilnaść».
Ministr unutranych spraŭ Litvy Rajmundas Pałajcis uznaharodziŭ pamiežnikaŭ Jaŭhienija Vinču i Justyniu Klavinsku za toje, što nie zhubili pilnaść i nie prapuścili namieśnicu minisitra justycyi Biełarusi Ału Bodak na terytoryju ES,paviedamlaje lrytas.lt.
«Heta nie byŭ asablivy dzień. Admovy va ŭjedzie ŭ krainu zdarajucca štodnia. Hety vypadak adrozny tym, što nie ŭpuścili niepažadanaha palityka», — paviedamiła Justyna Klavinska.
Napisańnie proźvišča biełaruskaj čynoŭnicy ŭ pašparcie i pamiežnaj sistemie adroźnivałasia, pieradaje litoŭski partał. Tady pamiežniki dla pravierki dasłali zapyt u Departamient mihracyi, a toj — u MUS. U vyniku Ała Bodak, adna ź siami ŭdzielnikaŭ biełaruskaj delehacyi, zastałasia ŭ Biełarusi.
Lrytas.lt taksama spasyłajecca na svaju krynicu, jakaja šmat hadoŭ pracavała ŭ sistemie ŭnutranych spraŭ, pavodle jakoj niepažadanym biełaruskim palitykam raniej nieadnarazova ŭdavałasia traplać u Litvu.
Maŭlaŭ, vysokim čynoŭnikam, u tym liku i Ale Bodak, u Litvie ŭdavałasia adpačyvać i chadzić pa kramach.
Ministr unutranych spraŭ Litvy śćviardžaje, što pra heta nie viedaje. Mažliva, heta było da taho, jak ich uklučyli ŭ «čorny śpis», pieradaje słovy Pałajcisa litoŭski partał. «Na heta mahło b adkazać ministerstva zamiežnych spraŭ», — dadaje ministr.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary