BATE — znoŭ u hrupavym turniry Lihi čempijonaŭ!!! +videa

Sinicu ŭ ruce BATE mieŭ. Hrupavy turnir Lihi Jeŭropy, dzie biełaruski kłub hulaŭ dva hady zapar, byŭ zabiaśpiečany paśla pieramohi nad «Ekranasam». Ale nam usim chaciełasia bolšaha.

A mienavita viartańnia ŭ žnivień 2008 hoda, kali BATE, bliskuča abyhraŭšy «Leŭski», vyjšaŭ u hrupavy turnir Lihi čempijonaŭ.

Tydzień tamu ŭ Minsku ŭ matčy sa «Šturmam» była zafiksavana ničyja 1:1, i kab vyjści ŭ hrupavy turnir ŁČ treba było zabić hoł u haściach.

I pačatak byŭ pakładzieny bliskučym udaram Alaksandra Vaładźko (36-ja chvilina). U pačatku druhoha tajma zdałosia navat, što «Šturm», jaki padhaniali trybuny, voś-voś pierałomić inicyjatyvu. Ale tolki zdałosia.

Na 69-j chvilinie na rahu štrafnoj «Šturma» byŭ pryznačany štrafny ŭdar. Praz chvilinu Dźmitryj Baha naviešvaje — Marka Simič, što vyznačyŭsia tydzień tamu, zabivaje!

BATE druhi raz u svajoj historyi, i druhi raz u historyi niezaležnaha biełaruskaha futboła vychodzić u hrupavy turnir Lihi čempijonaŭ.

***

Losavańnie hrupavoha turniru Lihi čempijonaŭ (32 kamandy buduć raźbityja na vosiem hrupaŭ) projdzie ŭ čaćvier (amal siońnia), 24-ha, u Manaka.

Pačatak u 18:45. Žyvy efir na uefa.com i Jeŭrasporcie.

Pieršy tur hrupavoha turniru ŁČ adbudziecca 12 i 13 vieraśnia.

***

Šturm (Hrac, Aŭstryja) — BATE (Barysaŭ) — 0:2 (0:1).

Hrac, 24 žniŭnia. «UPS-Ariena». 14500 hledačoŭ.

Sudździ: J.Eryksan, Š.Viterbierh, M.Kłasienius, D.Stolchamar, T.Matssan (Šviecyja).

Šturm: K.Hratcaj, J.Štandfiest, M.Dudzič, T.Burhštaler, H. Papchadze, A.Chielcl (S.Muratavič, 74), M.Viebier (k), Ju.Zojmiel, Ch.Bukva (M.Chaas, 46), P.Volf (F.Kajnc, 60), I.Sabič.

BATE: A.Hutar, D.Baha, Ja.Filipienka, M.Simič, A.Jurevič (k), A.Vaładźko, E.Alachnovič, A.Kancavy (M.Hardziajčuk, 67), R.Bresan (F.Rudzik, 59), P.Niachajčyk, V.Radzivonaŭ (M.Bardačoŭ, 77).

Hały: 0:1 — A.Vaładźko (36, pas — E.Alachnovič). 0:2 — M.Simič (69-h, pas — D.Baha, z štrafnoha).

Papiaredžańni: A.Vaładźko (22), J.Štandfiest (29), M.Simič (31), P.Volf (42), V.Radzivonaŭ (54), D.Baha (65).

***

U žniŭni 2008 h. barysaŭski BATE adoleŭšy ŭ plej-of bałharski «Leŭski» (1:0-hości, 1:1-d) upieršyniu ŭ historyi biełaruskaha niezaležnaha futboła vyjšaŭ u hrupavy turnir Lihi čempijonaŭ. Jon trapiŭ u adnu hrupu z madrydskim «Reałam» (0:2-h, 0:1-d), turynskim «Juvientusam» (2:2-d, 0:0-h) i pieciarburhskim «Zienitam» (1:1-h, 0:2-d). BATE finišavaŭ na 4-m miescy, ale pakazaŭ dastojnuju hulniu, asabliva ŭ Minsku 30 vieraśnia, zhulaŭšy ŭničyju z «Juvie». Pryčym padapiečnyja Hančarenki vyjhravali ź likam 2:0.

Zatym dva hady zapar BATE vylataŭ z ŁČ na stadyi 3-ha raŭndu, ale prabivaŭsia ŭ hrupavy turnir Lihi Jeŭropy.

U siezonie 2010/2011 BATE startavaŭ z 2-ha raŭndu, abyhraŭšy «Linfiłd» (Biełfast) — 1:1-u haściach, 2:0-doma i paniaviežyski «Ekranas» (0:0, 3:1).

Hladzi taksama: BATE prylataje ŭ čaćvier u 13:55.

• 0
• 0
• 0
• 0
• 0
• 0
• 0
• 0