Paetu i hramadskamu dziejaču Hienadziu Buraŭkinu 28 žniŭnia spaŭniajecca 75 hod.
Hienadź Buraŭkin. Fota Julii Daraškievič.
Hienadź Mikałajevič — aŭtar mnohich knih paezii, pieśni na słovy jahonych vieršaŭ śpiavaje nie adno pakaleńnie biełarusaŭ, a pad «Kałychanku» Buraŭkina maleńkija biełarusy zasynajuć užo bolš za dvaccać hadoŭ.
«Naša Niva» vinšuje Hienadzia Buraŭkina z Narodzinami i žadaje mocnaha zdaroŭja i natchnieńnia.
Hienadź Buraŭkin naradziŭsia 28 žniŭnia 1936 h. u vioscy Šulacina Rasonskaha rajona Viciebskaj vobłaści. Skončyŭ adździaleńnie žurnalistyki fiłfaka BDU. Z 1972 pa 1978 hod byŭ hałoŭnym redaktaram časopisa «Maładość», 1978-1990 hh. — staršynia Dziaržkamiteta BSSR pa telebačańni i radyjoviaščańni. Byŭ deputatam Viarchoŭnaha Savieta BSSR, staršynioj TBM. Źjaŭlaŭsia pastajannym pradstaŭnikom Biełarusi ŭ AAN (1990-1994), namieśnikam ministra kultury i druku Respubliki Biełaruś.
Aŭtar knih paezii «Dychańnie», «Vytok», «Varta viernaści» (za jaje atrymaŭ dziaržaŭnuju premiju imia Janki Kupały), «Hniazdo dla ptuški radaści», «Pamiž zorkaj i śviečkaj», «Čytaju tajnapis vačej» dy inšych. Aŭtar papularnych estradnych piesień. U našyja dni na jaho słovy zapisany adzin z muzyčnych albomaŭ Źmitra Vajciuškieviča —«Liryka».
Układalnik pieršaj knihi ŭspaminaŭ pra Vasila Bykava — «Naš Bykaŭ».
«Kałychanka» na słovy H. Buraŭkina, muzyka V. Rainčyka (viersija 2010 h.)
Hladzi taksama: Hienadź Buraŭkin: «U dyktataraŭ prafiesii niama».