Sioleta jon projdzie pad uzmocnienaj achovaj palicyi.
Mer Łondana Barys Džonsan abiacaje - karnavał adbudziecca! Fota daylife.com.
«Notynh-Chił» hod tamu. Fota metro.co.uk
28 žniŭnia ŭ Łondanie raspačniecca tradycyjny karnavał «Notynh Chił», jaki sioleta budzie ładzicca ŭ 45 raz. Heta adzin z najbujniejšych karnavałaŭ u Jeŭropie, z-za čaho jaho navat paraŭnoŭvaŭjuć z brazilskim.
Sioleta na im čakajecca da 2 miljonaŭ udzielnikaŭ i haściej. Mer brytanskaj stalicy Barys Džonsan zapeŭniŭ, što niadaŭnija trahičnyja padziei ŭ Łondanie dy inšych haradach krainy nie pieraškodziać płanam arhanizataraŭ karnavała. Tym nie mienš, buduć zroblenyja biesprecedentnyja zachady pa achovie paradku na fiestyvali. Sioletni karnavał buduć achoŭvać kala 20 tysiač palicyjantaŭ, a ŭsie mierapryjemstvy buduć zaviaršacca da 19 hadzin viečara.
Tradycyja łondanskaha karnavała była zapačatkavanaja ŭ 1966 hodzie ŭ haradskim rajonie Notynh-Chił (adsiul jaho i nazva). Na toj momant jon byŭ zasieleny pieravažna vychadcami z Karybskich vyspaŭ, byłoj kałonii Vialikabrytanii. Niekali niespakojny i kryminahienny rajon z časam byŭ pieraŭtvorany ŭ rekśpiektabielny rajon.
