Minski haradski sud pakinuŭ bieź źmieny prysud Alenie Lichavid, maci palitviaźnia Mikity Lichavida. Žančyna była asudžanaja na 10 sutak administracyjnaha aryštu za udzieł u niesankcyjanavanaj akcyi 20 lipienia — hetak zvanaj akcyi «maŭklivaha pratestu». Asudziła maci palitviaźnia sudździa Vajtechovič z Centralnaha suda Minska.
«Pierahlad majoj administracyjnaj spravy ŭ Minharsudzie adroźnivaŭsia tolki tym, što sudździa pierad vyniasieńniem rašeńnia chacia b vyjšaŭ u asobny pakoj nibyta dla razvažańniaŭ», — skazała Alena Lichavid. Spadarynia Lichavid maje namier abskardzić sudovaje rašeńnie ŭ bolš vysokaj instancyi.
7 vieraśnia Alena Lichavid nakiravała taksama skarhu ŭ prakuraturu i Ministerstva ŭnutranych spraŭ adnosna svajho adbyćcia pakarańnia ŭ izalatary na Akreścina. «Skardžusia na vielmi kiepskija ŭmovy ŭtrymańnia, u tym liku na antysanitaryju ŭ kamierach. I jašče na ździeklivyja adnosiny da viaźniaŭ», — patłumačyła Alena Lichavid.
Viadoma, što apošnija 3 dni z 10 na Akreścina Alena Lichavid adbyła ŭ adzinočnaj kamiery.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary