Kastusioŭ: «Kali Hrybaŭskajcie nie čytała prahramu BNF, to hroš joj cana»
Namieśnik staršyni BNF, były kandydat u prezidenty Ryhor Kastusioŭ kamientuje krytyčnyja vykazvańni prezidenta Litvy pra biełaruskuju apazicyju.
Kastusioŭ: «Hrybaŭskajcie minułaj vosieńniu pryjaždžała ŭ Biełaruś i sustrakałasia tut z kandydatami ŭ prezidenty. Ja byŭ na toj sustrečy, i, jak mnie ciapier zdajecca, jana ŭ adnym miescy kaža adno, u druhim — druhoje. Biezumoŭna, hetyja słovy skazanyja joj nie ŭ moj adras. Kali jana nie čytała maju prahramu, prahramu partyi BNF, to tady hroš joj cana jak prezydentu susiedniaj krainy. Jana, na maju dumku, zusim nie raźbirajecca ŭ palityčnaj situacyi ŭ Biełarusi i ŭ raskładzie palityčnych siłaŭ Biełarusi, i, chutčej, nie viedaje, jakija kaštoŭnaści adstojvaje kožnaja partyja».
«A čamu Litva ŭžo nie pieršy raz vykazvaje asobnuju pazicyju ŭ biełaruskim pytańni?»
«Hrybaŭskajcie razumieje, što z prychodam da ŭłady nacyjanalna śviadomaha prezidenta Biełarusi, sapraŭdnaha patryjota Biełarusi Litvie daviadziecca rabić pierahlad šmatlikich histaryčnych viersij. U nas jość ź Litvoj supolnaja historyja, mnohija padručniki daviadziecca pierapisvać. Tamu ŭ Hrybaŭskajcie jość zacikaŭlenaść, kab situacyja zastavałasia na siońniašnim uzroŭni. U hetym płanie Łukašenka — jaje sajuźnik».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary