Ačiū! Urad Litvy admianiŭ płatu za nacyjanalnyja vizy dla biełarusaŭ
Z takoj vizaj abmiežavany čas možna naviedvać i inšyja krainy šenhienskaj prastory.
Urad Litvy ŭ sieradu pryniaŭ rašeńnie ab admienie konsulskaha zboru za nacyjanalnyja vizy dla hramadzian Biełarusi.
Ministerstva zamiežnych spraŭ śćviardžaje, što heta daść mahčymaść biełarusam padarožničać u sproščanym paradku, budzie stymulavać pracesy demakratyzacyi ŭ Biełarusi dy spryjać umacavańniu hramadzianskaj supolnaści.
Zhodna z pastanovaj, konsulski zbor za razhlad prośby ab vydačy nacyjanalnaj vizy spahaniacca nie budzie. Zaraz viza kaštuje 60 jeŭra.
Mahčymaść admianić zbor źjaviłasia, kali ŭ minułym miesiacy litoŭski Siejm pryniaŭ papraŭki da Zakona ab konsulskim zbory, što ŭrad moža źnizić zbor za vizy abo naohuł nie spahaniać jaho nie tolki na padstavie parytetu, ale i kali heta nieabchodna dla ažyćciaŭleńnia metaŭ źniešniaj palityki ci nacyjanalnaj biaśpieki.
U hetym vypadku havorka idzie pra mahčymaść
nie spahaniać zbor za doŭhaterminovyja nacyjanalnyja vizy, jakija nazyvajucca vizami katehoryi D.
Jany vydajucca, kali asoba maje namier prabyć u krainie zvyš troch miesiacaŭ za paŭhoda.
Z takoj vizaj abmiežavany čas možna naviedvać i inšyja krainy Šenhienskaj prastory.
Biaspłatnyja vizy zmohuć atrymlivać studenty, spartoŭcy, žurnalisty, a taksama inšyja asoby, što pracujuć,
ale takija vizy nie buduć vydavacca, kali ludzi majuć namier pierasiakać miažu ŭ turystyčnych ci inšych karotkaterminovych metach.U takich vypadkach patrabujecca šenhienskaja viza, płatu za jaje vyznačaje ES. Zaraz jana składaje 60 jeŭra.
Litva i Biełaruś taksama płanujuć u asobnym paradku spraścić pierasiačeńnie miažy dla žycharoŭ pryhraničnych terytoryj. Hetaja damoŭlenaść užo ratyfikavanaja, ale jašče nie skončanyja padrychtoŭčyja pracy.
Prezident Dala Hrybaŭskajcie ŭ aŭtorak skazała, što libieralizacyja vizavaha režymu stvoryć dla biełarusaŭ spryjalnyja ŭmovy,
kab «vyjechać, paraŭnać i vybrać, za demakratyzacyju svajoj krainy jany ci nie».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary