Čuma pryjšła na Biełaruś z Rasiei. Virus pad nazvaju «Nie radzisia krasivaj». Piša Rusłan Raviaka.
Pakul čarhovaja hrupka adčajnych haładuje, pakul Biełaruś sprabujuć pazbavić handlovych preferencyj, pakul deputaty prymajuć biudžet, nia vieračy ŭ padaražańnie hazu; kali valicca sajuznaja dziaržava i idzie pieradvybarčaja kampanija — bolšaść elektaratu žyvie teleseryjałam «Nie radzisia krasivaj». Dajarki j prahramistki, prybiralščycy i buchhaltarki, specyjalisty j žonki kiraŭnikoŭ cikujuć, by vižy, za teleseryjałam uschodnich susiedziaŭ.
Narodu ŭsio adno, što Kazulin haładuje bolš za 50 dzion, ale lud bojka abmiarkoŭvaje kalizii rasiejskaha kino. Elektarat chvaluje finansavy stan kinošnaj firmy «Zimaleta» dy kanflikt Kaci j Viki, a nie cikavaje stanovišča našaj krainy, nia kažučy ŭžo pra niejki parlament.
Ludzi kuplajuć niekalki dyskaŭ DVD, kab nie čakać 300 seryjaŭ, a prahladzieć usie adrazu. Viedajučy pra vyniki praciahłaj epapei, usio adno siadajuć pierad televizaram za čarhovaj seryjaj. Snoŭdajucca pa Siecivie ŭ pošukach kamprametujučych zdymkaŭ toj samaj Viki (Jula Takšyna), jakaja, jak vyjaviłasia, pracavała stryptyzerkaj. Mnie nadakučyła admaŭlać šmatlikim prośbam znajści ŭ Internecie fota parnazorki Betty Dark, vielmi padobnaj da Takšynoj, a, mahčyma, — heta toj samy čałaviek. Śmiajucca: «Nie radzisia razumnaj» — u hałoŭnaj roli Ksienija Sabčak.
Zrešty, takoha markietynhu treba navučycca ŭsim našym palitolaham i analitykam, što źbirajucca zastavacca ŭ palitycy.
Rasiejcy, skarystaŭšy amerykanskuju schiemu, stvaryli novuju zabaŭku dla elektaratu. Mahčyma, niekali budzie stvorany seryjał pra žyćcio šarahovych biełaruskich hramadzianaŭ za Łukašenkam. Ale napačatku nam usim treba dapisać scenar…
Moj znajomiec pryznaŭsia:
— Hladzieć na biełaruskim telebačańni možna tolki «Kałychanku». Navat prahnoz nadvorja machluje…
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary