Mikita Lichavid: Kazali, što ŭsich vypuściać, a pra mianie zabuduć
Pieršaje intervju na voli.
Aktyvist Rucha «Za Svabodu» asudžany za padziei 19 śniežnia Mikita Lichavid u sieradu vyjšaŭ na volu z navapołackaj kałonii.
«Naša Niva»: Mikita, kali daviedalisia, što vypuskajuć?
Mikita Lichavid: U 18:50 u kamieru pryjšli ludzi, jakija skazali, što ja svabodny. Praź dziesiać chvilin ja ŭžo byŭ za miežami kałonii. Apošnim časam ja znachodziŭsia ŭ pamiaškańni krytaha typu.
«NN»: Vas časta źmiaščali ŭ štrafny izalatar, karcar?
MŁ: Tak, ahułam ja pravioŭ 81 sutki. Za lubuju niazhodu mianie mohuć pakarać.
«NN»: A čamu nie vykonvali patrabavańni administracyi?
MŁ: Jany nakiravanyja na toje, kab vypraŭlać złačyncu. Ja nie złačynca, ja — čałaviek nievinavaty, tamu mianie i vypraŭlać nie treba.
«NN»: Nie bajalisia, što mohuć złamać fizična?
MŁ: Heta takija hromkija słovy. Ja paznajomiŭsia ź ludźmi, jakija pa 100 sutak i bolš nie vychodzili z ŠYZA. U mianie drobiaź.
«NN»: Što dapamahała vytrymać?
MŁ: Viera ŭ siabie, što ja nievinavaty. Ja ŭžo nastroiŭsia, što mnie daduć siem hadoŭ źniavoleńnia. Kali atrymaŭ u dva razy mienš, to padumaŭ, što heta raz ščoŭknuć palcami.
«NN»: Sańnikava ŭ kałonii bačyli?
MŁ: Bačyŭ u dzień jaho etapu. Navat nie paznaŭ spačatku, vielmi stomleny byŭ. «Amieryka» — heta nie cukar.
«NN»: Prašeńnie na imia Łukašenki padpisać prapanoŭvali?
MŁ: Ad piatnicy da niadzieli štodnia. I miascovyja, i kadebisty. Kazali, što ŭsie vyjduć, a pra ciabie zabuduć. Skazaŭ, što dobra, rodnyja ŭsio adno buduć pamiatać. Ničoha tak i nie padpisaŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary