Na pieršych adkrytych biržavych tarhach 14 vieraśnia nacyjanalnaja biełaruskaja valuta patańnieła ŭ adnosinach da amierykanskaha dalara adrazu na 60%. Raniej ułady žorstka rehulavali kurs - u vyniku ŭsie apošnija miesiacy ŭ abmiennych punktach kupić valutu było praktyčna niemahčyma. Ciapier situacyja pavinna vypravicca.
Hetaj padziei ŭ Biełarusi čakali z tych časoŭ, jak dziaržava vyrašyła, što jano lepš rynku viedaje canu biełaruskaj ekanomiki abo, jak minimum, biełaruskaha rubla. Upieršyniu biržy dali mahčymaść vyśvietlić, čaho varta tak zvany "zajčyk". I pieršaja dadatkovaja siesija pakazała: 1,5 paŭtara razy tańniej, čym zapeŭnivali ułady.
8 tysiač 600 biełaruskich rubloŭ za adzin dalar - vynik pieršaha dnia adkrytych tarhoŭ. Kurs dziaržaŭny - 5 tysiač 300 rubloŭ. Aścierahalisia, praŭda, horšaha: što košt dalara pieravalić za 10 tysiač. Tak što kiraŭnictva Nacyjanalnaha banka takim takim padzieńniem davoli, maŭlaŭ, nie da samoha dna ŭpali.
"My zadavoleny chodam tarhoŭ i miarkujem, što navat niaznačny abjom prapanovy zdolny siońnia źmianić situacyju, i trend kursu budzie nakiravany ŭniz", - zajaviŭ namieśnik staršyni praŭleńnia Nacbanka Biełarusi Taras Nadolny.
Heta značyć, u Nacbanku miarkujuć, što kali ažyjataž sydzie, miesiacy praz dva, popyt i prapanova padraŭniajuć, a ź imi vyraŭnujucca i kursy.
Zaraz aficyjna ŭ Biełarusi ich dva: dziaržaŭny i kamiercyjny. Pieršy - dla eksportnoorijentirovanych pradpryjemstvaŭ, pa im jany abaviazanyja buduć zdavać 30% vyhandlovanaj valuty. Dla hramadzian i biźniesmienaŭ kurs sapraŭdny - aryjentujučysia na jaho praz dva hadziny paśla zaviaršeńnia tarhoŭ, pačali pracavać abmiennyja punkty. Dalar pradajuć pa 9 tysiač, kuplajuć pa 8,5. Čerhi nie źjavilisia.
"My nie atrymlivajem zarpłatu ŭ dalarach, my raźličvajemsia ŭ biełaruskich rublach, i dla nas - hety kurs, kali ŭ nas niejkija prablemy jość - zapłacić kredyt, pajechać za miažu; viadoma, my nie zadavolenyja, my nie čakali takoha, my dumali , što zastaniecca dzieści na ŭzroŭni 5-6 tysiač ", - kaža adzin ź miascovych žycharoŭ.
Bienzin daražeje kožny tydzień. Siońnia - jašče na 3%. Pradukty stajać užo ŭ 3-4 razy bolš, čym viasnoj. Zarobki z maja nie vyraśli i na čverć. "Kali raniej piensijaniery mahli kašu jość, to zaraz nie mohuć, piarojdziem na małako i chleb, bolš niama za što kupić", - raspaviadaje žycharka Minska.
Stanoŭčy momant: valuta ŭ Biełarusi pierastanie być deficytam. Ale samo čakańnie svabodnych tarhoŭ pryviało da taho, što niekatoryja bujnyja pradpryjemstvy śpiecyjalna nabrali kredytaŭ u biełaruskich rublach, kab skupić pabolš dalaraŭ i raźličycca z abaviazkami imparcioram. A pryjdzie čas kredyty viartać. Da taho ž, chto harantuje, što i pa novym kursie usie dalary znoŭ nie pavykuplajuć i ŭładam znoŭ nie pryjdziecca ratavać reziervy žorstkim rehulavańniem valutnaha abarotu?
Kamientary