Biełaruskaja pravasłaŭnaja carkva aficyjna adreahavała na artykuł hałoŭnaha ideolaha krainy "Navuka i hramadztva". Sabie ŭ zasłuhu jana stavić paśpiachovuju baraćbu z nacyjanalizmam, jaki kryvavić na ciele čałaviečaha rodu. Va ŭsim artykule Biełaruski ekzarchat tolki dvojčy vykarystoŭvaje cytaty ź Biblii, zatoje ažno piać razoŭ apeluje da słovaŭ Łukašenki.
U čaćvier 18 studzienia ŭ hazecie «Biełaruś siehodnia» źjaviłasia aficyjnaja reakcyja Biełaruskaj pravasłaŭnaj carkvy na artykuł artykuł Anatola Rubinava «Navuka i relihija», nadrukavany na staronkach hetaj ža hazety miesiac tamu nabyŭ značny rozhałas. Mitrapalit Fiłaret va ŭstupnym słovie cytuje słovy Alaksandra Łukašenki, jaki byli skazanyja im na sustrečy z Synodam: «Treba havaryć adkryta. Niachaj buduć dyskusii, niachaj budzie palemika. Nia treba bajacca hetaj palemiki...» Svaim adkazam mitrapalit taksama choča paćvierdzić «demakratyčny status centralnaha dziaržaŭnaha vydańnia».
Najbolš pravasłaŭnuju carkvu aburyŭ toj fakt, što akademik Rubinaŭ pastaviŭ carkvu ŭ adzin šerah z nacyjanalizmam. U adkazie Biełaruskaha ekzarchatu pišacca: «Amal pałovu artykułu pra navuku i hramadztvie aŭtar pryśviaciŭ krytycy relihijnaha śvietabačańnia i Carkvie. Pry hetym jon ni razu nie skazaŭ pra nacyjanalizm – vieradzie, jaki kryvavić na ciele čałaviečaha rodu, ale jaki nia zmoh zarazić biełaruskaje hramadztva ŭ mnohim dziakujučy namahańniam tych našych suajčyńnikaŭ, kim ruchaje viera ŭ Boha, hołas sumleńnia i relihijnych pierakanańniaŭ».
Carkva aburanaja, što akademik Rubinaŭ sprabuje abmiežavać jaje miesca ŭ hramadztvie «bolnicaj i turmoj». Pry hetym iznoŭ cytujucca słovy Alaksandra Łukašenki ź niadaŭniaj sustrečy jaho z Synodam, pra «jakasna novy ŭzrovień u adnosinach pamiž Carkvoj i dziaržavaj». Treba adznačyć, što va ŭsim artykule Biełaruski ekzarchat tolki dvojčy vykarystoŭvaje cytaty ź Biblii, zatoje ažno piać razoŭ apeluje da słovaŭ Łukašenki.
Fota z sajtu Prezydenta Respubliki Biełaruś.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary