U svaim vystupie padčas prezientacyi ŭ Vašynhtonie dakładu «Demakratyčnyja źmieny ŭ Biełarusi: ramkavaja prahrama dziejańnia» prezident niaŭradavaj arhanizacyi Freedom House Devid Krejmier, u pryvatnaści, zajaviŭ, što vałodaje infarmacyjaj ab tym, što letam 2011 hoda ludzi z atačeńnia Łukašenki źviartalisia da zachodnich dypłamataŭ z pytańniem pra toje, jak im spynić ekanamičny i palityčny cisk na Biełaruś z boku Zachadu.
«Minułym letam paplečniki Łukašenki — i ja nie viedaju, ci było heta zroblena ź jaho viedama ci nie, — taksama pytalisia ŭ zamiežnych dypłamataŭ, kudy Łukašenka moh by ŭciačy.Kali heta sapraŭdy tak, to takija pavodziny pradstaŭnikoŭ biełaruskaha režymu nahadvajuć ucioki pacukoŭ z karabla, jaki tonie. Heta značyć, što dni Łukašenka paličanyja «, — adznačyŭ dyrektar Freedom House.
Raniej Krejmier pracavaŭ pamočnikam dziaržsakratara ZŠA (adpaviednik biełaruskaha namieśnika ministra zamiežnych spravaŭ).
0
0
0
0
0
0
