Palicyja Ńju-Jorka aryštavała bolš za 700 udzielnikaŭ maršu suprać Uoł-stryt
Manifiestanty ŭ subotu pierakryli Bruklinski most, spyniŭšy ruch na niekalki hadzin.
Pres-sakratar palicyi Ńju-Jorka śćviardžaje, što ŭdzielnikaŭ akcyi papiaredžvali ab niedapuščalnaści stvareńnia pieraškodaŭ ruchu, adnak jany ŭsio roŭna vyjšli za miežy piešachodnaj zony, u vyniku čaho i byli aryštavanyja.
Vydańnie The Hollywood Reporter paviedamlaje, što taksama byli zatrymanyja i žurnalisty, u tym liku reparcior The New York Times.
Akcyja pratestu «Zajmajcie Uoł-stryt!» praciahvajecca ŭžo dva tydni. Jaje ŭdzielniki vykazvajuć pratest złoŭžyvańniam, jakija, u ich ujaŭleńni, dapuskajuć finansavyja instytuty ZŠA i transnacyjanalnyja karparacyi.
Ciaham apošniaha času akcyja supravadžałasia aryštami sotniaŭ jaje ŭdzielnikaŭ.
Raniej na hetym tydni palicyja Ńju-Jorka abviaściła ab pačatku rasśledavańnia pa spravie aficera, jaki raspyliŭ ślozaciečny haz u vočy udzielnicy adnaho ź mitynhaŭ. Prafsajuz palicyi ŭžo vystupiŭ na baku padnačalenaha. Arhanizacyja vystupiła z paviedamleńniem, u jakim havorycca, što dziejańni aficera byli vyklikanyja «mierkavańniami ab biaśpiecy svaich supracoŭnikaŭ».
Kamientary