Hałkipier minskaha «Dynama» Andrej Miezin paśla subotniaj parazy ad «Atłanta» ŭ oviertajmie 2:3 padvioŭ vyniki hulni, a taksama zaklikaŭ nazvać novuju arenu ŭ Minsku ŭ honar Rusłana Saleja, jaki raźbiŭsia razam z «Łakamatyvam» u avijakatastrofie 7 vieraśnia.
«Zamacavać u zbornaj № 24 za Rusłanam Salejem — słušnaje rašeńnie FCHB. Spadziajusia, što ŭ nacyjanalnaj kamandzie pad 24-m numaram nichto bolš hulać nie budzie. A to vypadki byvali: numar vyvieli, a pad im jašče sto čałaviek vystupaje. U Rusłana vielizarnyja zasłuhi pierad biełaruskim chakiejem, № 24 pavinien zastacca ŭ zbornaj za im nazaŭždy. Mała taho, liču, nieabchodna albo vulicu, a lepš arenu, jakaja budujecca da čempijanatu śvietu — 2014 u minskim mikrarajonie Čyžoŭka, nazvać u honar Rusłana Saleja. Na moj pohlad, jon heta zasłužyŭ».
Kamientary